Sarament dil salter – emprema mesadad dil 19avel tschentaner

1. L’emprema gada vegnis vus ad engirar, che vus veglies, laud ed honur da Diu e la sontga catolica cardientscha, suenter vies meglier saver e puder cun tut flis tener fei e verdad.

19avel Tujetsch Sarament2. Vegnis era ad engirar, che vus veglies ils dretgs e frietads dil cumin e dalla Casa da Diu mantener si.

3. Vus vegnis ad engirar, che vus veglies esser sidretgs e recli salter e render e far buna obedientscha al mistral e mes signurs e tut quei ch’ei da palesar e quei ch’ei da tener tschelau tener tschelau.

4. Vegnis era ad engirar che vus veglies, cura che vus vegnis dumandai da stumar, sche veglies vus per daners, per tscheins, per sal e per piatzas stumar per il dubel, per auters pagaments pli tiers pli, tut per il sarament, adina alla Casa da Diu aduals dretgs ordavon, s’entelli, che sut vegn risculdis pudeies sez stumar e sur quei dueies vus clamar in gerau.

5. Vegnis milsanavon ad engirar vus salter dil cumin cun ils auters ensemen, cura ch’ei vegnes ch’in obercheit tarmettes ora da metter maun ad enqual persuna, sche veglies vus senza negina contradicziun far buna obedientscha.

Tut quei veglies vus far cun igl jester sco cun il domiciliau, cun il dumiesti sco cun igl jester, cun pign sco cun il grond, cun il grond sco cun il pign, cun il pauper sco cun il reh, cun il reh sco cun il pauper, cun il nunniebel sco cun il niebel e cun il niebel sco cun il nunniebel. Da quei far veglies schar ni per carezia ni per mal, ni per beinvulientscha ni per malvulientscha, ni per temas ni per smanatschas, ni per tscheins, ni per schenghetgs, ni per aur, ni per argien, ni per negina caussa che pudess vus desviar giu dalla via dalla giustia e dalla verdad. E sche Vus lais quei salvar e vegnir suenter cun ils fatgs, sco jeu a vus vai teniu avon cun la viarva, sche vegnis vus a tener si treis dets enten vies maun dretg e di a mi suenter quels plaids:
Tut quei che vus a mi veis teniu avon cun ils plaids, sche vi jeu vegnir suenter e salvar cun ils fatgs suenter miu meglier saver e puder, tuttas caussas alla buna fei e senza malart, aschia per il ver mei gidi Dieus, la sontga Trinitad, Nossadunna e tut ils sogns roghien per nus. Amen.

Saraments
19avel tschentaner; il pli vegl sarament
19avel tschentaner; sarament nudaus ils onns 1860; amplificaus cul sarament dil pievel (onns 1880)
20avel tschentaner; ha valiu entochen 1973

 

placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

img05.jpg