Cumpra dil sulom per la casa da scola a Camischolas - 1861

Tujetsch, ils 23 da fevrer 1861 eis ei daventau il sequent marcau denter Gion Battesta Berther da Camischolas sco vendider e statalter Gion Andriu Berther, era da leu e segnerfarrer Joseph Anton Durgiai, sco cumprader en num e per cumissiun dalla cumissiun da scola pervia dil sulom dalla casa da scola da Camischolas.

Gion Battesta Berther dat e venda sias duas pendas prau ch’el ha leu el vitg Camischolas sut sia casa, dado la casa da statalter Gion Bistgaun Monn p.m. per tschentar e regress dalla casa da scola e zuar sut las sequentas cundiziuns: sur casa encunter la via sto ei vegnir priu tut, dapli sto ei era vegnir priu, ultra dil sulom dalla casa, aunc per las grundas entuorn la casa; quei il qual aber che resta dado casa encunter siu clavau salva el per sesez, per en cass ch’el less baghegiar baghetg u nuegl, havessi il dretg da puder seruchiar anen.
Lura s’oblighescha el da prender giu quei prau, che vanzass sut casa che fuss stau dil Duri Deflorin, il qual ceda sia purziun perquei intent sco il Gion Battesta e zuar fest per fest.
Perencunter s’obligheschan ils cumpraders da pagar per quest prau 2.50 frs. il fest, ditgel dus francs e tschunconta raps il fest e per quei pagament ha era il Duri Deflorin empermess da dar sia penda.
Dapli vegn ei schau il dretg a Gion Battesta da segar entochen neutier la casa, sch’ei dat enzatgei, resalvond, sch’ei vegness lennau sissu, quei ei sch’ei vegness lennau sut las grundas da quels che stessen en casa.
Il pagament vegn fatgs sin d’atun da 1861 cun respectiv tscheins vitier, num ch’el savessi aunc per quest onn guder il fretg.

Che quest marcau seigi daventaus di ed onn sco sura e vegnius legius avon allas parts e da quellas confirmaus cun lur suttascripziuns ed expendius en dus, conforms originals, confirma

Joseph Ant. Durgiai, farrer
Gion Andriu Berther, cumissiunau
Gion Battesta Berther

placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

img04.jpg