Scola Cavorgia – contract da baghegiar 1848 e mobiliar 1849

Ei daventau in contract denter la cumissiun da scola d’ina vart e meister Gion Antoni Schmedt da l’autra vart, meister Gion Antoni Schmedt surpren da baghegiar ina casa da scola a Cavorgia en largezia denter las preits 10 ½ bratscha en largezia da mintga maun, che duei vegnir fatg ina stiva, in stebli da treis e miez bratscha e la stiva siat bratscha sin mintga maun, cun aunc ina combra el gebel, duei lura vegnir mess si isiarchels e canals e tablegiau las grundas sin tuts mauns sut si. La stiva e stebli dueien restar l'altezia da tredisch quartas. Per quella lavur paga la cumissiun al detg Schmedt in capital da 85 fl. ditgel otgontatschun risculdis, e dus talers remess. Il capital vegn pagaus, duas tiarzas sin d’atun proxim, ed ina tiarza duei vegnir dau empau pli liung temps, nunessend el cass da saver pagar tut. Il meister ei lura obligaus da far la lavur sco ei auda. La lenna duei vegnir dulada sco quella dil Mucli ei stada dulada.

Tujetsch, ils 3 d’avrel 1848.
Joseph Ant. Durgiai, farrer
Johann Jacob Beer, actuar

 

Tujetsch, ils 23 d’avrel 1849, eis ei daventau il sequent accord da lavur denter signur Lucas Caveng e signur scarvon Monn en num dalla cumissiun da scola e meister Gion Antoni Schmedt a risguard il pinar ora la casa da scola da Cavorgia ed ei sco suonda:

1mo. Sto il meister Gion Antoni far ella casa dus plantschius piars en stiva e stebli castrai, e dus surengiu, dapli dus suren en il medem stebli e stiva. Item on cuschina in plantschiu suten naven digl esch casa entochen dadens igl esch stiva, e suren avon combra era il medem, sco era il plantschiu sura dalla combra dil gebel.

2do. In esch casa fatergiau, dus eschs cun tablas sin la stiva e stebli ed in cun arigels “Rigelspan”? sin la combra. Tuts quels eschs sto el enferrar e metter si.

3tio. Ina scala per ira sin combra e far otg barcuns e quels enferrar e metter si els, item tabliar entuorn la pegna e far in finistrel sut quella en.

4to. Suppias entuorn la stiva naven d’in esch entochen l’auter ed era ina meisa, dalla stiva liunga. Sco era ina suppia da quella lunghezia. En stebli in letg ed ina meisa ordinaria e duas suppias pintgas cun artg. Fuss ei era aunc da basegns da metter en ischenchels, sche eis el era tier quei obligaus.

Tut quella Lavur sto lura esser buna e solida. Per quella lavur paga la cumissiun da scola, 55 fl. ditgel tschuncontatschun renschs, sin igl atun proxim da quest onn. Duess aber la lavur per munconza dallas aissas buca saver vegnir fatga entira en quest onn, sche vegn il pagament fatgs mo suenter dalla proporziun dalla lavur.

Per confirmaziun dil sura suttascrivan las parts contrahentas.
Il meister Gion Antoni Schmedt, nunsavend scriver fa si sia noda casa.
Lucas Cavegn
sco cumissionau da quella vart


placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

img05.jpg