Contract per l’erecziun dalla casa da scola a Rueras 1850

Tujetsch, ils 8 da matg, eis ei daventau in marcau denter las sequentas parts, numnadamein signur mistral Gieriet, signur statalter Paul Wenzin, signur statalter Hans Giachen Decurtins, en num dalla cumissiun da scola, e da l’autra vart meister Lezi Muclj e zuar sco suonda:

Meister Lezi Muclj interpren da baghegiar si la casa da scola da Rueras, la quala duei vegnir baghegiada sin quella moda. L’emprema alzada ina stiva d’otg bratscha sin mintga maun, ed in stebli dasperas d’otg bratscha en lunghezia e tschun en ladezia, num ch’ei massi memia grond pregiudezi pervia da memia cuorta lenna. L’altezia sto restar tredisch quartas. Dapli sto ei esser ell’emprema alzada mess en ischenchels per plantschius dubels. La secunda alzada vegn il medem, resalvond l’altezia da mo dudisch quartas senza plantschius dubels. Tier il gang e cuschina dall’emprema alzada vegn ei fatg ell’emprema alzada mo „rigelspan“, ella secunda cun preit ed aunc ina preit per miez en che sparti il zuler dalla combra u cuschina sura. Il „gang“ e cuschina duei esser en lunghezia sco stiva e stebli e largezia da quarta bratscha denter las preits, aschia ston las autras sura mesiras era esser denter las preits.
El gebel sto ei aunc vegnir menau en ina combra, sco quei ch’ei po en. Finalmein sto el aunc metter si ils isiarchels, canals e tablegiar sut si entuorn la casa sin mintga quater mauns, ed avon las fatschadas tschentar en las slondas dil tetg.

Per quella lavur eis ei schau ad el temps da baghegiar enten igl onn present ni per igl onn 1849, bein ch’en cass che lessi buca baghegiar en quest onn sappi tonaton la lenna vegnir surdada e messa ensemen per saver metter sut tetg.
Per quella lavur sura paga la cumissiun da scola 230 fl. e 10 fl. remess, scrivel duatschien e trenta renschs ed ina dubla remess. Duess el mo surdar la lenna quest onn, sche vegn ei fatg il pagament mo proporziun da quella lavur, baghegia el aber si sche vegn ei sin d’atun d’anno 1848 pagau duas tiarzas, ed in tiarza sto el dar peda.
Cun quei pagament duei lura esser cumpigliau en tut e la cumissiun da scola resalva da ver neginas autras obligaziuns u grevezias encunter il sura. Dapli eis ei aunc resalvau sin la cumissiun da scola d’approbar ni refusar.

En fide da quei suttascrivan las parts
Joseph Anton Durgiai
Paul Josef Wenzin
Hans Giachen Decurtins NB: eis era aunc schau ad el in di las stialas senza pagament
Lezi Antoni Muccli 1850, ils 23 da november, pagau la sura summa 230 fl., ei aunc da far ora la dubla remess e per ina crusch piarsa.

placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

0347.jpg