Casa da scola Cadruvi – cumpra dil sulom 1848

Accord provisoric sin la reserva sche la ludeivla vischnaunca ei cuntenza d’acceptar

Denter las sequentas parts, numnadamein signur Lucas Caveng, signur Paul Schmet e signur statalter Lezi Mucli en num e per cumissiun dalla scola e da l’autra vart statalter Walentin Caveng, eis ei sut reserva ed acceptanza dalla ludeivla vischnaunca serrau giu il sequent accord:
Numnadamein statalter Walentin venda e surdat sia casa ch’el ha sin Cadruvi cun tut quei ch’ei vid la casa: sco tablegiaus, eschas, finiastras e ferradira. Dapli dat el ils tschalers, numnadamein la fravia, ed aunc in auter tschaler pign suten, mo resalva il gang sper la stizun en, per communicar cun ses nuegls. Dapli conced’el da schar baghegiar tenor sco quei ch’ins anfla per basegns ella alzada sura, sur sia talina ora. Era ha el empermess da dar per l’alzada sura plaz per la commoditad dapersei, dapersei dalla commoditad dalla part sut, num ch’ei seschass buca senza grond pregiudezi da far auters baghetgs.

Perquei tut lura, paga la cumissiun da scola, ni la ludeivla vischnaunca 255 fl., scrivel renschs duatschien e tschuncontatschun, cun l’obligaziun da pagar giu quei en dus onns, numnadamein igl emprem onn igl atun da 1848, 100 fl., scrivel tschien renschs senza tscheins, ils auters aber 155 fl. crodan il tscheins anno 1848 igl atun suenter temps.

Aschia daventau a Tujetsch anno 1848, ils 25 da mars e per firmaziun da quei suttascrivan las parts.
Acceptau dalla ludeivla vischnaunca unanimamein ils 2 d’avrel.

Tujetsch, ils 26 da mars 1848
Crest Valentin Caveing Lucas Caveng

Dapli eis ei era sentelgiu cun signur mistral Beer e ses artavels, ils quals han voluntariamein e senza indemnisaziun, sulet per bien dalla scola concediu da schar baghegiar sur la talina ora, cun la suleta reserva, che sch’ei duvrassien buca tut il plaz, sche seigi la scola obligada da mantener si tetg sin quei plaz che fuss buca baghegiau ora, e quala cundiziun dueigi vegnir purtada el protocol da scola.

 

placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

0326.jpg