Vendita da pastiras per baghegiar las scolas

Al ludeivel cussegl da scola
L’idea dils suttascrets ei da sin dumengia proxima publicar la pastira che seigi terminada e mintgin sappi s’orientar las sorts era sco suonda; il prezi duess ad interim nuota vegnir declaraus, per allura cura ch’il di determinau che vegn mess en ingant, vegn ei detg con igl ei stimau, ei sa vegnir vendiu cun servitut ni senza servitut – quei sto ei vegnir concludiu leu e sulom per baghegiar per il Trutg Lartg etc.

1. Il Trutg Lartg tut anoragiuviers entochen igl emprem drun e mess ina stagia, preziau 250 fl.
Ei vendiu a Seph Antoni Mucli per 265 fl.

2. La sort suenter naven da quei tierm enagiuviers entochen in tierm che taglia si e giu ed in che taglia enadora, sisum. Preziau 80 fl.
Ei vendida a Seph Antoni Mucli per 80 fl.

3. La tiarza naven da quella anoragiuviers entochen ora tier il grep dadens il clavau da statalter Vigieli Mathias, preziau 80 fl.
Ei vendiu a scarvon Mucli per 50 fl.

4. La quarta sort naven da quella sura anoragiuviers entochen oradem il prau d’assistent Monn nua ch’igl ei in tierm che terminescha sura e la sort dadens, preziau 60 fl.
Ei vendida a Gion Franziscus Berther per 20 fl.

5. La quinta naven dalla sura ch’ei sut il prau da Tschimun Decurtins, entscheiva naven dil prau d’assistent Monn e va oragiu viers entochen ora tier la Fontauna Freida e taglia gradgiu sco il dutg, preziau 130 fl.

6. La sisavla naven dalla sura ni facticamein sco gl’ei sura fixau oanora entochen ils praus, 100 fl.
La 5avla e 6avla ein vendidas a Hans Giachen Berther per 202 fl.

 

NB Ei da saver che nua ch’igl ei mess tiarms sisum spartan quels lura e sut nua ch’igl ei negins ei il spitg u risteina da considerar sco tierm.
Deo pax: - in toc sut prau da scarvon Monn ed empau dadens ed empau dadora ein negins tiarms, ein aber quella crappa grossa giusum da considerar sco tiarms ed era pli anen, nua ch’igl ei mo greppa giusut va quella sura mo entochen giusum.

Rueras, ils 4 d’october 1847
Thomas Schmet
Gion Andriu Berther
experts

Sut ils 14 da matg ein quellas sorts stadas perdestinadas ed era vegnidas a Camischolas publicamein vegnidas vendidas a quel che po dar il bia sco avon ei da ver, zuar sut prezi preziau. Sin quei ei sin ils 21 da matg 1848 vegniu rapportau sin vischnaunca, la quala (: schebein avon stau concludiu da buca vender sut il prezi preziau dils experts :) da schar sco igl ei vegniu vendiu, il public ingant sut ils 14 da matg 1848 als avon mess per scret cumpraders.

Copiau e mess per scret en num dalla vischnaunca e per cuntegn da quella
Lucas Caveng, gerau


placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

img02.jpg