Untgida e lenna per l’alp Nalps da Magher

1881, ils 28 d’uost
Plinavon eis ei aunc sin la damonda dils pursanavels da Nalps, da schar vegnir cun ses tiers per untgida mo ora il Plaun Schlaus, enstagl ora il Plaun dallas Cavorgias, ei unitamein concludiu, ch’ei dueien sch’il basegns sforzi, ir ora sin sia veglia untgida dil Plaun dallas Cavorgias.

1899, ils 20 d’uost
Ei dil signur president vegniu mess en discussiun la vertenta questiun pervia dall’untgida da Nalps. Suenter esser flussiau ils differents meinis ei concludiu da dar ad interim negina untgida en Plaun Schlaus, sonder da restar sin il vegl dretg ed usit en Plaun las Cavorgias conform alla lescha visavi in revers, d’aschigleiti sco ei vegni plantau uaul en Plaun las Cavorgias e per quei temps da plontaziun ceder in’untgida en quei stagl. Plinavon ha la vischnaunca concludiu da cumprar liber il dretg da lenna.


La damonda dalla untgida da Nalps da Magher e la damonda dalla lenna han fatschentau la vischnaunca sur onns ora. La finala suenter bia scrivems, posiziun dil Cussegl Pign, secunvegn ins igl onn 1919 aschia sco il document da 1721 plidava. Duront onns, 20 onns, dispetas per nuot e duvrau ina massa daners da taglia!

Cheu sco PDF tuts documents pertuccont la damonda dalla untgida e lenna per Nalps da Magher



1721 Cunvenziun Nalps 00Document da 1721

Anno 1721, ils 16 d’uost en Disentis
Da saver suenter quei che gl’ei per temps stau levau si differenzas u dispetas denter ina ludeivla cuminonza u vischnaunca da Tujetsch per ina part, allura ils pursanavels dallas duas caschadas en l’alp, numnada Nalps da Magher da Disentis per l’autra part, perquei e davart che la ludeivla vischnaunca da Tujetsch selamentava, ch’ils pursanavels dalla numnada alp hagien fatg lenna e sesurviu encunter dretg en uauls dalla vischnaunca, leu encunter quels plonschiu pretendiu da haver tals dretgs leutier e per quella fin, fagend ni insistend sin lur vegl possess, ein stai encunter, aschia e talmein, che lur schon currenta dispeta era carschida en in dretg e zun maneivel, enten in custeivel dertgem, vess pudiu rumper ora, per quella fin, per vegnir avon a quei spargnar malnizeivels cuosts e per plinavon flanziar quella bunaveglia harmonia e correspondenza, che cunfinava denter Tujetsch e Mustér e quella mantener tras bein manegiada interposiziun ed amicabels plidar da (: tit :) signur vegl landama e podestat Florin de Castelberg e signur statalter Jacob Schuoler, geraus da Disentis ed enten vertit dils projects fatgs, seigi dils numnai signurs quella vertenta dispeta enten buna ed amicablamein vegnida lugada ed agiustada e dad omisduas parts vegni prida si reciarti sco suonda.

Emprem eis ei accordau e vegn a quels suranumai pursanavels ed a lur artavels e vegnentsuenter dau autoritad e pussonza e dretgs e schau dad ussa naven en perpeten ni per tut igl avegnir da enten uauls dalla numnada vischnaunca da Tujetsch che cunfinan cun la numnada Alp Nalps da Magher, schibein da quest, sco da l’auter maun dil Rein, che flessegia permiez tras las Alps da Grass e Magher, da better entuorn lenna da tagliar e far ora slondas e sesurvir da baghegiar, schibein baghetgs novs, sco per mantener ils baghetgs vegls enten la numnada Alp Nalps da Magher enten tala fuorma che enten sesurvir dalla lenna deigien ils savens numnai pursanavels adina ira successiv suenter igl uaul, quei ei entscheiver sin in maun ed ira suenter, e sesurvir ni usufructuar deigi e possien e cheutier ver ils dretgs, resalvond e tenend ora la Tgauma dil Crest Derschlaus, che dalla vischnaunca ei scumandau ni fatg schetga dil qual liug scumandau e dad autras schetgas dalla vischnaunca che cunfinan buca cun quella alp deigien ira lischents e leu haver negin dretg ni autoritad da lennar.

2. Sch’ei vegness il basegns, u scartezia als pursanavels da caschar ni per auters basegns da barschar, ni sesurvir tier il fiug da lenna, lura deigien els haver ils dretgs sin igl intschess ni district dalla vischnaunca da Tujetsch da sesurvir da draussa e bostga, mo dad auter oreifer quei sco sisura ei scret schi bein da verd ni sec ni tgei num ch’ei pudess ver tuttavia ira lischents e schanegiar.

3. Per pli fortificaziun e giustiment ni cumposiziun ed era per ina consolaziun alla ludeivla vischnaunca da Tujetsch, deigien ils pursanavels sin d’atun che vegn sbassar e dar en daners bluts, risculdis tschuncontaquater dic 54 fl. ni aber en cass ch’els dessen buca giu il capital, sche deigien dad oz dato naven e mintg’onn sin s. Martin esser obligai da tscheinsir 3 x per risculdis schiditg aschi liung sco els vegnein a ver pagau giu il capital.

4. Las spesas aber ch’ein derivadas ni dependan da quella cumposiziun eis ei per miez ed aschia vegniu taxau da scadina part porta la mesa quota.

Ch’ei seigi aschia vegniu accordau, cumponiu, priu si da salvar ed empermess da vegnir suenter e vegnir stabiliu, sche han omisduas parts flis e detschartadad rugau il (: tit :) ussa regent signur landama Gion de Fontana che el per pli perdetga e per pli ferm salvar vegli sin quella squitschar il secret sigil dil cumin da Disentis, il qual el ha fatg agli als ses ed agli cumin senza ni donn ni pregiudezi, ed en per tala fin fatga dus semeglionts instruments che plaidan in sco l’auter, omisdus sigilar cun il sigil dil cumin ed a mintga part consignau in.

Anno 1754 igl uost hai jeu Antoni Ludovig Berther da quei temps gerau sin garegiar da persunavels dad omisduas tegias da Nalps da Magher translatau quella copia dil tudestg en romontsch da verbo ad verbum, schibein sco il lungatg romontscha ha schau tier a mi ed ils mess senza donn.

Document 1721
Copia 01 - sin pagina 3 la confirmaziun d'anno 1919
Copia 02


Tuts documents pertuccont la dispeta pervia dall'untgida e lenna per l'Alp Nalps da Magher

06-07-1899 Brev digl Uffeci forestal cantunal PDF
20-08-1899 Extract ord il protocol da vischnaunca dils 20 d'uost 1899 PDF
25-08-1899 Declaraziun Claustra Mustér sco possessura dall'Alp Nalps da Grass PDF 
25-08-1899 Declaronza dalla suprastonza communala Tujetsch PDF
26-08-1899 Revers dalla Claustra Mustér davart l'untgida Punt Baselgia PDF
26-08-1899 Schneefluchtsort für Nalps - Untgida spel Lag da Surrein PDF 
28-08-1899 Erklärung/Confirmaziun dalla vischnaunca dall'untgida al Lag Surrein PDF 
31-08-1899 Citaziun avon mediaziun entras il mediatur Pl. Condrau PDF 
01-09-1899 Confirmaziun dil Cussegl Pign pert. la nova untgida per la claustra  PDF 
01-09-1899 Brev dil Cussegl  Pign pert. l'untgida dalla Alp Nalps da Grass PDF
06-09-1899 Pursanavels da Nalps refuseschan la mediaziun PDF
10-09-1899 Extract dil protocol da vischnaunca PDF
14-09-1899 Brev da dr. Alfred von Planta, advocat dalla vischnaunca PDF
18-09-1899 Brev digl Uffeci forestal cantunal PDF
18-09-1899 Brev alla suprastonza da Dedual PDF
05-10-1899 Brev da dr. A. Planta, cusseglier naziunal PDF 
08-10-1899 Extract dil protocol da vischnaunca dils 8 d'october 1899 PDF 
09-10-1899 Brev da dr. A. von Planta PDF 
10-10-1899 Brev dalla suprastonza al mediatur Placi Condrau PDF 
11-10-1899 Telegram da dr. Planta PDF 
11-10-1899 Brev da dr. Alfred von Planta, advocat dalla vischnaunca PDF
12-10-1899 Brev digl Uffeci circuital alla suprastonza communala PDF
20-10-1899 Brev da dr. Alfred von Planta, advocat dalla vischnaunca PDF
31-10-1899 Brev da dr. Alfred von Planta, advocat dalla vischnaunca PDF 
01-11-1899 Brev da dr. Alfred von Planta, advocat dalla vischnaunca PDF 
20-11-1899 Brev da dr. Alfred von Planta, advocat dalla vischnaunca PDF 
15-01-1900 Brev da dr. Alfred von Planta, advocat dalla vischnaunca PDF 
20-01-1900 Brev da dr. Alfred von Planta, advocat dalla vischnaunca PDF 
26-01-1899 Brev da dr. Alfred von Planta, advocat dalla vischnaunca PDF 
01-02-1900 Brev da dr. Alfred von Planta, advocat dalla vischnaunca PDF 
12-02-1900 Brev da dr. Alfred von Planta, advocat dalla vischnaunca PDF 
18-02-1899 Brev da dr. Alfred von Planta, advocat dalla vischnaunca PDF 
03-03-1900 Inoltraziun al Cussegl Pign PDF 
19-04-1900 Replica entras Julius Cajacob, advocat dils pursanavels da Nalps PDF 
07-11-1900 Replica davart dr. v. Planta per la vischnaunca PDF 
12-11-1900 Brev da dr. Alfred von Planta, advocat dalla vischnaunca PDF 
08-01-1901 Posiziun dil Cussegl Pign PDF 
24-04-1901 Cunvegnientscha cun Nalps PDF 
24-04-1901 Cunvegnientscha cun Nalps, ina copia PDF 
13-08-1901 Brev da dr. A. von Planta PDF 
30-03-1910 Uffeci forestal cantunal, Dedual PDF 
12-01-1919 Nova terminaziun da Nalps PDF 
09-09-1919 Protocol dalla terminaziun PDF 
26-05-1926 Untgida da Nalps da Grass, possess dalla claustra PDF 
27-03-1927 Untgida Nalps da Grass PDF 
03-04-1927 Declaronza pertuccont l'untgida entras avat Beda PDF 
29-04-1927 Communicaziun dil conclus dalla vischnaunca PDF 
01-05-1927 Declaronza dalla claustra PDF 
01-07-1947 Uffeci forestal circuital PDF 
17-12-1949 Damonda da lenna entras la claustra PDF 
  Cuviarta/tastga d'ina brev PDF 
  Cuviarta/tastga d'ina brev PDF 
     



placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

img01.jpg