Terminaziun e spartaziun dallas duas alps Val Val e Val Giuv

1896 Tujetsch Terminaziun Val Val e Val GiuvSut datum dils 14 da fenadur 1896 ei vegniu terminau la pastira dallas duas alps Val Val e Val Giuv e quei sco suonda.

Nr.1 ei a Val Giuv sil crap gries, silla fatschada suren, tagliau ora la crusch cun Nr. 1 ed igl orsal sutvia.

Nr. 2 ei en grada lingia encunter Crest da Tiarms, grad dadens il dutg che flessegia giu da Plaun d’Eras, els trutgs ei in bass crap stabel sil qual igl ei tagliau ora la crusch e la cefra dus.

Nr. 3 ei dadens il fop da Crest da Tiarms, circa 18 pass dadens ils tiarms veders; in gries crap stabel, sil qual igl ei tagliau ora la crusch cun la cefra 3 dasperas.

Nr. 4 ei sigl ur dador ils grugns, aschi mesa distanza denter Nr. 3 e 5, nua ch’igl ei ina platta uliv cun il terren, circa 6 pass dador in gries carpun.

Nr. 5 ei tagliaus ord in gries crap stabel, nua ch’igl ei paucs pass dadens aunc in carpun quei numer ed en ualti grada lingia cun Nr. 4 e 6.

Nr. 6 ei in pign tschancun orasi sul fop ch’ei suls grugns, da Stavel dil Bostg, nua ch’igl ei grad sul tierm veder tagliau ora la cefra 6 e la +, quei en in gries crap stabel.

Nr. 7 ei in tschancun enasisur il sulom da Stavel dil Bostg, amiez la canal eis ei in gries carpun, sil qual igl ei tagliau ora la cefra 7 cun la +.

Nr. 8 ei enasisum la avon detga canal, circa 8 – 10 pass sut il tierm veder. In buca grond crap stabel, sil qual igl ei tagliau ora il Nr. 8 cun la +. Cheu rumpa ei la lingia e pren la direcziun dretg dallas bostgas vi, tochen tier

Nr. 9, il qual ei via amiez las bostgas, in crap ch’ei carschius si bostga, zacons pass dador ina pintga paliuetta, ch’ei en in fop, sin ina fatschada da quel eis ei tagliau Nr. 9, la fatschada dil detg crap ei menada emcunter Plaunca Biala.

Nr. 10 ei entatier la ruina dil dutg, che vegn dadol cugn giu, en quella canal u valetta eis ei in pign crap stabel, sil qual igl ei tagliau 10 e la +.

Nr. 11 ei via sigl ur dalla val, dil Run da Plaunca Biala, nua ch’igl ei in pign crap stabel uliv cun il terren sil qual igl ei tagliau la cefra 11 e la crusch. Sco quei tierm fila si sparta ei e finescha quella terminaziun.

Ch’ei seigi aschia terminau e s’entelgiu denter ils dus dalla vischnaunca destinai umens, attestan quels cun siu num
Gion Paul Berther


placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

0254.jpg