Terminaziun dall’Ondadusa

1894 Tujetsch Terminaziun OndadusaSut datum dils 27 d’uost 1894 eis ei terminau d’enter pastg da biestga e da cauras si Londadusa sco suonda:

Nr. 1 Ei entschiet silla pala odem digl uaul, grad sut quei bot rodund ch’ei amiez la pala, eis ei in per pass dador igl ur odem, eis ei in pign crap stabel, sil qual igl ei tagliau 1.
Nr. 2 + cun la crusch, ei in pign crap stabel entadem la medema pala, sut la quala pala eis ei negins auters tiarms.
Nr. 3 ei sut la pala dadens, ina platta uliv cun il terren, sin la quala igl ei tagliau 3 + sco cheu ei scret.
Nr. 4 ei in tschancun enasi tagliaus ord in grep cun la crusch speras.
Nr. 5 ei enasigl ur dalla Stgalutta, en ualti grada lingia dil Nr. 3 e 4, tagliaus ein in fetg veseivel grep.
Nr. 6 + ei sut la Pala Pintga, ch’ei denter la Pala digl Uaul e la Stgalutta, nua ch’ei vegn fatg giu il fein da quella pala. Ella spunda encunter las palas digl uaul, eis ei tagliau la cefra 6 ord in pign grep nua ch’igl ei da segar giu tier quel.
Nr. 7 ei dador il dutg dalla Stgalutta, en quella spunda, in pign nas d’in grep, sil qual igl ei tagliau il Nr. 7. Circa 3 meters sulla lingia, eis ei tagliau ord ina biala platta ina crusch, la quala sparta la sort dalla Stgalutta ed il Dartguir. Aschia che la Stgalutta sa vegnir segada treis meters sut la platta ch’ha si la crusch. Il Dartguir sega giu mo sco la platta.
Nr. 8 Naven dalla Stgalutta vegn il Dartguir e fila vi encunter ina veseivla platta alva, la quala ei strusch en sigl ur dallas Ruinas, silla qualla igl ei tagliau 8.
Nr. 9 ei ora sigl ur encunter il Dartguir, ei tschentau en in bi tierm cun +9
Nr. 10 ei el cantun entadem da quella pala, nua ch’igl ei tscheu en in tierm, ch’ha si il sura nr. Quel fila ensi e sparta quella sort dil Bastu. Il qual vegn segaus dils apupers u vendius.
Nr. 11 ei in grond toc enasi sut diesch ed ei tagliaus ord in buc grond crap u grep.
Nr. 12 cun la crusch ei buca diltut en sigl ur encunter Val Macorta, tonaton segan las Ruinas tochen en sigl ur da quella. Igl ei cheu ina platta silla quala igl ei tagliau ora il nr.
Nr. 13 cun la crusch, ei en sum la Val dil Run.
Nr. 14 ei ellas Palas Grep Tgietschen, vegn pia ora sil crest sisum il plaz meidia e filau encunter il tierm 14, il qual ei en amiez la pala spel dutg.
Nr. 15 ei via crest denter la Pala dil Berther e la Pala Grep Tgietschen, nua ch’igl ei tagliau ora il Nr. 15 cun la crusch. Giu tier quei tierm sa quella vegnir segada.
Pallas Panaglia, ormiez la pal’odem, eis ei tagliau ord in pign grep
Nr. 16 cun la crusch sut via, sco quei tierm dad en ed ora sa ei vegnir segau. Naven da nr. 16 va ei agraden, tochen en tier zatgei grugna, nua ch’in da quels ch’ha ina biala fatschada, sin la quala igl ei tagliau
nr. 17 e grad sura la crusch.
Nr. 18 ei en sisum las caglias in tschancun sut il pegn. Naven da quei tierm fila ei si encunter il sura pegn, sco il pegn ed igl ur da quei crest si, sparta ei, il pastg da biestg, dil pastg da cauras. Naven da Nr. 18 va ei dallas caglias enasi tochen tier quei crest ault, ch’ei zatgei grugna, sin da quels eis ei tagliau
Nr. 19 e neginas cruschs.
Nr. 20 ei via sigl ur da Foppa Verda, els trutgs eis ei tagliau ora Nr. 20, neginas cruschs, mobein in streh che fila encunter Nr. 19 ed in che fila digl ur si.

Aschia che quella terminaziun ei finida.

Tujetsch Sorts Metter tiarms

placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

img02.jpg