Mustér/Bubretsch, ils 29 da matg 1893                (Document original)

Tit. signur president communal Soliva a Sedrun,

Cheutras supplicheschel els da far ton e dar part al suttascret, en num dils pursanavels da Nalps, sche la vischnaunca da Tujetsch, hagi lubiu alla sura indicada alp da baghegiar ina via sin lur territori, (respectiv sil territori da Pardatsch tochen tier detg alp) ni buc.

S’entelli che nus lessan baghegiar senza bonificar pil sulom dalla via (vul dir senza expropriar il terren), sco ei stau tschintschau cun els pli baul.

Havend ussa survegniu dil Cussegl Pign ch’ei vegni tier in subsidi per tala interpresa. Spetgel dad els ina risposta sur dil conclus dalla ludeivla vischnaunca u d’ina ludeivla suprastonza speronza favoreivla ton pli gleiti, sinaquei ch’in savess scriver ora tala lavur.

Cun perfetga stema e salid
Gion Bat. Durschei


Protocol da vischnaunca dils, ils 16 d’avrel 1893

Ha la suprastonza mess avon alla vischnaunca ina damonda dils pursanavels da Nalps/Mustér arisguard conceder il necessari terren per realisar igl intendiu project dalla construcziun d'ina via carrabla en detga alp. Havend quella damonda zun greva muntada per la vischnaunca, sche ha quella elegiu ina cumissiun, che duei ponderar e predeliberar la caussa ed allura dar rapport alla vischnaunca. En quella cumissiun ein elegi ils signurs: gerau Vigeli Berther, Camischolas, gerau Vigeli Berther, Sedrun, gerau Gion Antoni Berther, Rueras, statalter Leci Jacomet ed ils geraus en uffeci.


1893 – Via Nalps

Sut datum dils 5 m.c. ei la elegida cumissiun da part dalla ludeivla vischnaunca Tujetsch cun ils signurs possessurs dall’Alp Nalps repassai la lingia projectada per la construcziun d’ina nova via carrabla per la concessiun dalla quala via la societad corporativa Nalps da Magher damonda la ludeivla vischnaunca Tujetsch.

Sin la relativa indicada vesta oculara ha la cumissiun sin speciala recumandaziun dalla societad corporativa Nalps, respectiv dil comité da quella, vuliu dar oz caschun alla ludeivla vischnaunca da tractar quella damonda en qualitad d’in formal decisiv conclus per speditiv cuntegn dils coninteressai pursanavels da quella alp.

02 1893 Via Nalps 3 zercladurSuenter che la cumissiun ha da sia vart madiramein ponderau la muntada sco era las pusseivlas consequenzas da quella impurtonta damonda,s a quella oz recumandar alla tit. vischnaunca da conceder la construcziun da quella nova via sut suandontas cundiziuns.

1mo. Il terren I: sulom dalla via e scarpas :I dalla entira lingia tochen sils cunfins dall’alp ei e resta adina exclusiva proprietad dalla vischnaunca Tujetsch.

2do. Il dretg da diever da quella via sextenda adina mo sin la cultura alpina I: Alpenwirtschaft :I per la societad corporativa Nalps da Magher.

3tio. Classifichescha la vischnaunca quella entira lingia en treis parts e tschenta sur da scadina sias specialas cundiziuns:

a) I. passus, naven da da Sedrun I: Sontget :I tochen S.Antoni/Surrein renconuscha e mantegn la vischnaunca sco sempla pratica via da bara.

b) II. passus, naven da S.Antoni tochen enasisura la punt Pardatsch visavi il fuorn da caltschina, nua che la nova via entscheiva, manetgn la vischnaunca la via mo en qualitad da pass e repass per tiers e glieud a pei, mai aber sco via carrabla. –

c) III. passus, naven da las Ragischs visavi il sura fuorn da caltschina tochen ell’Alp Nalps s’oblighescha la vischnaunca en neginas modas e manieras da prender art e part en riguard grevezias.

4to. Per impedir pusseivels discletgs e malemperneivladads denter possessurs da tiers a Pardatsch e Nalps, cunzun temps da stad, sto la via nova vegnir serrada en in qualificau liug els Tschalers cun ina sufficienta geina ni siara.

5to. Han ils accordants da quella via l’obligaziun sut responsabilitad d’impunder e metter il material che vegn tagliaus e cavaus ord il suom dalla via sin quella e buca fierer surengiu e metter sut pastira.

6to. Tut material che croda suenter la construcziun en quella via e vegn fiers giud quella, sto vegnir bess en ina u l’autra valetta il pli maneivel che selai senza metter cheutras sut buna pastira.

7tmo. Per schierm dil Plaun Pardatsch ston las menadiras adina vegnir tenidas per la lingia stagiada.

8tvo. La vischnaunca cundiziunescha e resalva il cumplein dretg da puder passas e repassar per glieud e tiers sco era da carrar sin quella entira lingia tochen sils cunfins da Nalps.

9vo. Tier la sura allegadas cundiziuns tschenta la vischnaunca aunc alla tit. societad corporativa Nalps da dar ad ella ina bonificaziun per la cuncessiun dil terren da quella via, providents donns e cuosts, ch’ella ha e sto aunc haver cheutras 1 fr. per dretg da quella alp sut la cundiziun che la lingia vegni sbassada giu els trutgs vegls dallas Plauncas Pardatsch en; resta quella lingia aber si tenor project 2 frs. il dretg.

La suprastonza da Tujetsch
Tujetsch, ils 8 da zercladur 1893


Protocol da vischnaunca dils 11 da zercladur 1893

Ei vegniu legiu avon il pareri e cundiziuns tschentaus si dalla cumissiun dalla via da Pardatsch, ch'ei dalla vischnaunca vegnius approbaus.


Segnas, ils 30 da zercladur 1893
Alla tit. suprastonza dalla ludeivla vischnaunca Tujetsch
En possess digl act da decisiun tarmess tier a nus sut datum dils 12 da zercladur 1893, relatein che la societad corporativa dall’Alp Nalps (da Magher e Grass) hagi ier repassau las tschentadas cundiziuns puncto projectada via dalla Val Nalps e tschentan per quella fin si alla ludeivla vischnaunca Tujetsch la sequenta norma:

1. Sto la via vegnir baghegiada tenor plan e stagiaziun dil signur inschigner e secartessen che Tujetsch savessi secuntentar cun in frs. per dretg per l’expropriaziun, cass cuntrari stuein vegnir suenter alla tschentada pretensiun da 2 frs. per dretg; tschentein aber la cundiziun ch’il sulom dalla via nova sin territori da Tujetsch seigi nossa proprietad; il dretg da pasculaziun aber vegn daus tier alla vischnaunca Tujetsch.

2. Il dretg da diever dalla via sextenda sin la cultira alpina (Alpenwirtschaft) per las corporaziuns Alp Nalps da Magher e Grass.

3. Ei la ludeivla vischnaunca Tujetsch obligada da mantener la via naven da Sedrun (Sontget) tochen la punt Pardatsch visavi il fuorn da caltschina, nua che la via nova entscheiva, sco tochen da cheu, da leu naven tochen il tschaler mantegnan las alps Nalps ella.

4. Per serrar giu il liber transit construeschan ils da Nalps en il tschaler ina sufficienta geina u siara per ils tiers sin la via.

5. Il material che vegn cavaus ora per la construcziun dalla via vegn duvraus il bia el sulom da quella; quei material che sa buca vegnir duvraus vegn constrenschiu ils surprendiders da metter tal material il pli maneivel sil mender donn.

6. Tut material che vegn en via suenter la construcziun da quella s’oblighein da metter il pli maneivel sil mender donn.

7. La vischnaunca Tujetsch ha il dretg da diever per glieud e tiers, sco era da carrar cun lenna e fein, mai aber per speculaziuns ni autra industria sin la nova via.

Vegn la ludeivla vischnaunca Tujetsch buca ad acceptar las sura stipuladas cundiziuns, sche vegnan ils pursanavels da Nalps a clamar en l’intervenziun digl ault ludeivel Cussegl Pign.

Spitgein immediat risposta
Cun tutta stema e salid
Per la cumissiun dall’Alp Nalps
Gion Battesta Durschei


Protocol da vischnaunca dils 2 da fenadur 1893

Ha la vischnaunca concludiu da star tiegl anteriur conclus arisguard la via Pardatsch-Nalps. La cumissiun veglia ei incaricada da rispunder en quei senn amicabel, ni sin via da recuors, sco era smanatschar.

14 da fenadur 1893
Brev dil Cussegl Pign: Wir übermachen Euch hiemi die vom 12. ds. Mts. dat. Eingabe der Alpgenossenschaft Nalps Betreffend Erstellung eines Alpweges zur Vernehmlassung innert 14 Tagen.

Brev dalla regenza grischuna
Chur, den 19. August 1893
Der kleine Rath des Kantons Graubünden an
den löblichen Gemeindevorstand Tavetsch
Getreue, liebe Mitbürger!

Behufs Beilegung der Differenzen zwischen der Alpgenossenschaft Nalps und Eurer Gemeinde betreffend den Bau einer Strasse in die Alp Nalps hat obgenannte Alpgenossenschaft die Intervention unserer Behörde angerufen.
Nach Kenntnissnahme der gewechselten Rechtsschriften und genauer Prüfung der Sachlage müssen wir uns in dieser Sache als incompetent erklären, indem sich die Intervention des Kleinen Rathes auf keine gesetzliche Grundlage stützen könnte. Gleichwohl sehen wir uns veranlasst, zu bemerken, dass es sehr badauerlich wäre, wenn in Folge geringfügiger Misshelligkeiten zwischen Eurer Gemeinde und der Alpgenossenschaft Nalps der Bau der Strasse nicht zu Stande käme, so dass die eidgenössische sowie die kantonale Subsidie verloren giengen.
Die Hauptdifferenz betreffen einerseits die Erstellung beziehungsweise Unterhaltung einer fahrbaren Strasse von St. Anton bis zur Brücke von Pardatsch, und andererseits die Frage des Eigenthums des Strassencörpers, wobei aber, laut Übereinkunft, die Alpgenossenschaft Nalps das erforderliche Terrain für die Strassenanlage von Eurer Gemeinde kaufen d.h. bezahlen und die erstellte Strasse unterhalten muss. Da wir in Sachen wie bereits bemerkt nicht competent sind, so wollen wir uns auf eine Würdigung der von Eurer Gemeinde gestellten Bedingungen und speziell der Frage des Eigenthums des Strassencörpers nicht einlassen, allein die erwähnten sowie die übrigen mehr untergeordneten Differenzen lassen sich bei einigem guten Willen der Parteien gewiss beilegen und gewärtigen wir daher von Eurer Gemeinde möglichstes Entgegenkommen gegenüber der Alpgenossenschaft Nalps, damit die projektierte Strassenanlage nicht aus Motiven, die schliesslich keiner Partei Nutzen bringen können, vereitelt werde.

Anbei empehlen wir Euch, getreue, liebe Mitbürger, sammt uns in Gottes Obhut.
Der Präsident
R. Camenisch

Namens des Kleinen Rathes
der Kanzleidirector
S. Plattner


Protocol da vischnaunca dils 3 da zercaldur 1894

Il schema dallas cundiziuns tschentaus si dalla cumissiun dalla via da Nalps ei dalla vischnaunca vegnius approbaus cun l'annexa, che la corporaziun da Nalps cedi alla vischnaunca Tujetsch il dretg da menar ora l'aua en sia alp Cavorgia. Il prezi ei vegnius fixaus sin 100 francs.


Protocol da vischnaunca dils 30 da settember 1894

5. La petiziun da Nalps/Mustér, da schenghegiar in ton digl importo, staus fixaus per l'erecziun dalla via da Nalps ei dalla vischnaunca vegnida renviada.

Surrein Via Nalps

Via Nalps Nacla

Via Nalps cuort avon Nacla


placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

img03.jpg