1889 Tujetsch Uorden Forestal

 

Uorden forestal
§93. L’administraziun forestala procura la suprastonza entras il leutier qualificau persunal I: Fachchef :I ed il „Revierförster“, bostger da revier, ils quals dus vegnan eligi e saramentai dalla vischnaunca. Ils ufficials per l’administraziun forestala vegnan elegi mintgamai el decuors dil meins zercladur per in bieni da 2 onns, il qual di vegnan era las autras elecziuns dils ufficials da vischnaunca renovadas.

§94. L’administraziun forestala ha l’obligaziun da mirar sura, che tuttas ordinaziuns perscrettas en il cheu present uorden forestal, vegnan observadas exactamein; ella s’informescha flissiamein sur l’activitad dil „Revierförster“, bostger da revier, dat a quel ils necessaris entruidaments ed
interquera e castigia tuts surpassaments che cunterfan allas ordinaziuns dil cheu present uorden forestal. – Perquei intent tegn ella sesiuns aschi savens sco il basegns damonda. – Plinavon ha l’administraziun forestala d’incassar exactamein tuttas taxas da lennas e castitgs per freffels forestals, sco era da render mintg’onn el meins da zercladur, ina gada in detagliau ed exact quen alla vischnaunca. Gl’incassament d’importos per caussas forestalas ha da daventar el decuors dils meins november e december. La suprastonza formescha era el medem temps la cumpetenta dertgira per tuts freffels forestals. - La cassa forestala ei en scadin cass adina en mauns dil cassier da vischnaunca.
Tier cass ch’ei relavass dubis sur interpretaziuns ed il senn dad ina u l’autra perscripziun digl uorden forestal, sch’ei en emprema lingia la suprastonza e per lura igl ault Cussegl Pign la cumpetenta autoritad interpretonta.

§95. Il bostger da revier stat directamein sut l’administraziun forestala ed ha d’execuir exactamein, senza opposiziun scadina ordinaziun che sebasescha sil present uorden forestal e vegn dada ad el da vart dall’administraziun forestala I: Fachchef :I ni era da vart dil „Kreisförster, bostger circuital, il medem ha el era da secuntener en riguard la ad el perscretta instrucziun da siu survetsch. En sesiuns che la suprastonza ha da tractar damondas forestalas, ha el il dretg da separticipar da talas damondas e tractandas forestalas, aber mo en qualitad da cusseglier ed actuar per menar il protocol.
Ultra da quellas obligaziuns ha el era aunc da menar la contabilitad forestala I: in cudisch che cuntegn la controlla da tutta lenna concedida, - in cudisch che cuntegn exacta controlla sur l’economia forestala, - in cudisch dils freffels; ina controlla dalla lenna :I sco era da menar l’entira correspondenza forestala.

§96. Las taxas per lenna ein da pagar annualmein el decuors dil meins november al cassier da vischnaunca.
Tuts davers che vischins burgheis han da bien silla vischnaunca, ils quals han in legal fretg dils uauls communals e retilan da quels lenna tenor uorden forestal, han da vegnir considerai sco pagaments en daner blut ed era mo en quei senn tratgs a quen cun tals particulars.

.....

Documents
Uorden forestal transcret  (Igl uorden sesanfla era alla fin dalla constituziun da 1889)

Uorden forestal (original)

Lenna da fiug

 

 

 

placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

img01.jpg