Uorden e statuts dalla vischnaunca da Tujetsch, revedi igl onn 1889

A. Statuts generals
I. Radunonza dils vischins I: vischnaunca :I
§1. La vischnaunca da Tujetsch formescha ina fracziun dil tituleivel vegl cumin dalla Cadi. – Ils dretgs, che competeschan alla vischnaunca tenor constituziun cantunala, vegnan execui entras las radunonzas dils vischins da vischnaunca cheu sesents, sco ils Svizzers cheu domiciliai.

§2. La vischnaunca fa en sias radunonzas entras il pli dils leu presents vischins ils statuts e reglas da quella. Ella legia ora sia suprastonza, las necessarias cumissiuns e ses ufficials, decretescha las necessarias taglias da vischnaunca e nominescha ed approbesccha l’adminsitraziun dils ufficials, prosequescha il dretg da prender si novs vischins e votescha sur ils pugns da recapitulaziun.
Il dretg da votar entscheiva cul vegnavel onn cumpleniu I: art. 7 dalla constituziun cantunala :I.

§3. La vischnaunca vegn calmada ensemen entras ils geraus en uffeci aschi savens, sco quels anflan per necessari. Als vischins da Rueras, Selva e Tschamut, sto ei vegnir fatg enconuschent, silmeins in di avon, cun excepziun dils dis, che tuts vischinadis ein obligai da vegnir en la farria. – Tschun vischins vuschabels pon pretender vischnaunca.

Entira constituziun sco PDF

placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

0254.jpg