Fatg in fetg ruh e freid unviern. Gl’atun fein bienmarcau, la primavera cars.
Gievgia grassa excess Caduff – Lucas Cavegn da Rueras. Visadas da Gion Andriu Berther, inquisaziun da Condrau, Cargiet ariguard giuvna da Stiafen da Tschamut.

Matg, 1
Stau cumin, ein eligi: Anton Carigiet, president, geraus: A. Carigiet, C. Decurtins, A. Condrau, C. Latour, Bat. Carigiet, Cristian Muggli e Salvator Monn da Sumvitg; deputai: Carigiet, pres., Decurtins Casper, A. Condrau, pres. Tuor e Casper Latour. Hai surviu il gentar a 65 persunas ella Cruna.

Matg, 4
Oz hai arau e finiu segal e truffels. Mess ora in ster segal. La sera draccau, tunau e camegiau. Ils praus ein ussa libers da neiv, ils mises da maun seniester ein da neiv, bia lavinas.

Matg, 20
Oz mess ora ils truffels, siat stera biabein e fatg si la cuort dallas Sorts. Oz ei neiv, hai stuiu cumprar fein, con?, ina tschuncheisma per 45 frs. En general fatg ina schliata primavera, schegie buca fetg freida. Tochen oz eran en Tujetsch mo dus purs i a mises cun vaccas. Ils 15 da matg ha il pievel svizzer votau sulla lescha d’alcohol, pegliau il pli per 120'000 vuschs ed il vinars ei cheutras daventaus in monopol dil stadi.

Matg, 26
Oz pér fatg mundi cullas nuorsas, las cauras ils 2 da zercladur. Giu cun miu fein tochen ils 22 da matg. Giachen Martin Beer ei ius naven dallas Sorts culs tiers ils 31 da matg, jeu sun era vegnius quei di sper casa.

Matg, 30
Stau vischnaunca a Sedrun e confirmau la suprastonza vedra. Entschiet empau megliera aura da primavera.

Zercladur, 8
Piars ina stiarla che havevel cumprau da Schmet da Clau da Quoz, Mustér, donn, otg marenghins, era havevel piars igl avrel in vadi.

Fenadur 14
Cargau ad alp a Tschamut ina vacca e duas cauras. Ils 31 da fenadur tratg dad alp 61 fun caschiel, 27 funs tschagrun e 16 funs pieun.

Fenadur
Finiun da far fein ils 31 da fenadur, fatg atras atras duront il meins aura schetga, mo tonaton mintgadi in uradi, aschia che quasi tut fein ei staus bugnaus pauc ni bia. Dau en bien prau bien e daried fein.

Uost, 3
Oz rugalau il process Cavegn – Caduff. Caduff mat sesa in meins e paga circa 400 frs. La vischnaunca ha en siu process encunter Decurtins era gudignau e sto buca mantener il tetg sin tegia da Tschamut. Decurtins ha circa 500 frs. spesas, vischnaunca 100 frs.


placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

0341.jpg