Verificaziun e renovaziun dils tiarms denter Tujetsch e Medel (PDF)

Protocol
1885 Tujetsch Terminaziun Tujetsch Medel en Val Giermsur la verificaziun e renovaziun dils tiarms da cunfins denter las ludeivlas vischnauncas da Tujetsch e Medel ella aschinumnada Val Gierm.

Sut datum dils 24 e 25 d’uost 1885 ein sco delegai dallas sura numnadas vischnauncas stai sil dessignau plaz, per Tujetsch ils treis signurs, assistent Giachen Antoni Schmet da Sedrun, statalter Gion Paul Berther da Camischolas e gerau Cristian Muggli da Rueras, actual president communal e per Medel ils dus signurs Martin Pally, actual gerau, da Platta e Joseph Bundi, actual president communal, per verificar ils tiarms stai mess en ella lingia da cunfins anno 1865 e renovar la marcaziun.

L’entschatta tier quella lavur ei dau cul tierm el cantun dadens la seiv dil prau magher, numnaus il Run, da signur Tumaisch Monn da Cavorgia a Cavorgia Sura. Dils tiarms vegls eran biars en siu plaz, plirs derschi ora, auters svani diltut. La nova lingia tratga ussa ella medema direcziun cun ils veders existents tiarms, ei formada naven dil sura indicau tierm en tier il tierm el Rein cun 24 tiarms situai sco suonda. Mintga tierm porta siu numer.
Tujetsch 1885 Tiarms

Che seigi aschia vegniu revidiu e fatg sco sura scret, attestan en nums dallas participontas vischnauncas

per Tujetsch: Muggli Christian, I. gerau

per Medel: Josep Bundi

Tujetsch, ils 25 d’uost 1885

Remarca: Midau tierm, nr. 11, stuschaus anavos per 5 meters dador la valetta cun sbuau sil crest sut il trutg. Nr. 12, 20 meters distanza da nr. 11, sin in crest dadens la valetta.

placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

img05.jpg