Terminaziun giu Prau da Vitg denter ils particulars e la pastira da vischnaunca

1885 Tujetsch Terminaziun Prau da VitgSut datum dils 2 da zercladur 1885 ein plirs particulars possessurs da funs giu Prau da Vitg stai sin quei plaz, per metter tiarms encunter la pastira cun la ludeivla vischnaunca, en num dalla quala ein stai presents president Christian Muggli e signur statalter Gion Paul Berther, sco terminatur dalla vischnaunca.

Suenter esser s’entelgi cun ils privats da metter ils tiarms tras ensi giudem la spunda, ei da quels vegniu tschentau si 11 en quella moda, ch’in encureva mintgamai in crap empau stabel e fageva ora sin quel ina crusch cul numer vitier.

Tuts tiarms schaian circa 20 – 25 pass in ord l’auter sco suonda:

Nr. 1 El grep giudem enzacons pass silla spunda.
Nr. 2 In crap empau da gries rodund giudem la spunda.
Nr. 3 In crap empau da ner ch’ei menaus cun la fatscha encunter Sedrun.
Nr. 4 In crap giudem la spunda, fatschada encunter Camischolas.
Nr. 5 In crap giudem la spunda, fatschada encunter Rueras.
Nr. 6 In carp giudem la spunda el plat culla fatscha horizontala.
Nr. 7 In crap tgietschen buca grond en la valetta ella spunda dadens encunter il Run.
Nr. 8 In crap empau da liung el fop, fatschada horizontala.
Nr. 9 In crap giudem la spunda giu tiel plat sper il péz sort da Hans Giachen Decurtins culla fatschada encunter S. Antoni.
Nr. 10 In crap culla fatschada enagiu encunter igl Uaul Surrein grad ora giu sut il crest oragiu dem dil prau dils calusters.
Nr. 11 In crap grond culla fatschada horizontala sco il péz dil prau dils calusters dat giu entadem.

Aschia terminau attesta
Christian Muggli, president da vischnaunca

Rueras, ils 2 da zercladur 1885


placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

0341.jpg