Terminaziun dils mises da Plaun Miez da frars Riedi sut datum dils 25 da zercladur 1885

La quala ei fatga sut ils 25 da fenadur 1885 ed aschia normau, mises da Plaun Miez, ch’auda tier als frars Riedi, entras Gion Paul Berther e signur Sep Lurenz Wenzin e quei en preschientscha e cuntentientscha dils proprietaris dil sura menziunau mises.

Il tierm nr. 1 ei entadem il prau ella Val Cavrera, giusum il rieven grador, nua che l’aua da quella val flessegia giu sin in grond plattiu eis ei tagliau ora Nr. 1 ed ina crusch speras.
Nr. 2 ei 6 1/3 fest sur Nr. 1, nua ch’igl ei in pign crap stabel, grad dador il dutg che flessegia giu dalla medema val, sin il qual igl ei tagliau la cefra 2 e nuot auter. Cheu fa la lingia in anghel (vinchel) cunter la damaun.
Nr. 3 ei 17 ½ fest pli anora, nua ch’ei in bass crap stabel, ch’ha ina fatschada ualti uliv cun il terren, ch’ei tagliau ora 3.
Nr. 4 ei 12 fests dadora, nua ch’igl ei in pign crap stabel, ch’ha sia pintga fatschada encunter sera e mesanotg, sin la quala igl ei tagliau si sia nr.
Nr. 5 ei 23 fests pli anora, nua ch’igl ei tschentau en in tierm ch’ha si la cefra 5.
Nr. 6 ei 17 fests pli anora, nua ch’ei tschentau sn in tierm ch’ha si la cefra 6.
Nr. 7 ei 25 fests anora, in gries crap el cantun sisum dall’ustonza, ch’ei fatga per schierm dil baghetg sisum dils Riedis, sin il qual crap gl’ei tagliau ora la cefra 7 e nuot auter.
Nr. 8 ei tagliau ord in crap, dil mir dil baghetg ch’ei tschentaus el cantun oragiudem dil nuegl dil nuegl sut. Da leu naven va la lingia puspei encunter la damaun.
Nr. 9 ei 11 fests dadol baghetg, nua ch’ei tschentau en in bi tierm sin il qual igl ei tagliau si il numer 9 e nuot auter.
Nr. 10 ei 10 fests pli anora nua ch’igl ei in pign crap stabel ch’ha ina pintga fatschada encunter mesanotg silla quala igl ei tagliau 10.
Nr. 11 ei 30 fests dadora il tierm 10 nua ch’igl ei tschentau en in crap cun ina biala fatschada suren silla quala igl ei tagliau Nr.11.
Nr. 12 ei 29 ½ fests pli anora, in pign crap stabel sin il qual igl ei si siu nr.
Nr. 13 ei 29 fests dador il tierm 12, nua ch’igl ei tschentau en in veseivel tierm, orasum la val che va dador il prau giu, sil qual igl ei tagliau el nr. 13. Cheu meina la lingia seniester encunter mesanotg e fa anghel (vinchel) e va digl ur dadens dalla val giu.
Nr. 14 ei 29 fests sut la purteglia u il davos tierm, el cantun gidem dil prau, sigl ur u spitg dalla val, eis ei in pign crap stabel, ch’ha sia fatschada encunter la val, sin la quala igl ei si 14.
Nr. 15 ei circa 6 fests sul Rein grond, nua ch’igl ei in rodund e gries e neidi crap stabel il Nr. 15. La fatschada dil sura crap schai encunter mesanotg. La distanza denter il nr. 14 e 15 ei buca mesirada.
Aschia che la sura terminaziun ei finida.

 

Che la sura terminaziun, seigi conform alla presenta descripziun, attesta il termadur da quei temps
Gion Paul Berther


placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

0302.jpg