Mess per memoria ils cunfins e terminaziun dall’Alp Curnera e Maighels

1884 Tujetsch Terminaziun Curnera Maighels1884, ils 18 d’uost, ein signur Lorenz Jacomet, signur Christain Muggli e president communal Johann Anton Soliva serendi en Curnera e Maighels e verificau ils tiarms denter l’Alp Curnera e las Vals e Maighels.

1. La terminaziun ellas Vals sil baun pli giudem grad sur l’aua da Curnera che consisteva ord ina crusch en in grep, sco sura indicau, havein buca anflau a motiv ch’ina entira massa da quei medem grep era sefatga libra e sbulanada giuadora. Cheu havein per munconza d’uaffens fatg vid quei grep duas cruschs cun colur cotschna.

2. La terminaziun silla Rabetscha cuntegn mo ina crusch sil crap grond, enstagl duas sco era declarau avon.

3. Las autras ulteriuras terminaziuns havein anflau tut en bien stan talis e qualis sco avon declarau e lura scadina terminaziun refrestgentau e renovau cun colur cotschna.

Il sura attesta
Soliva Johann Anton, president communal
Tujetsch, ils 20 d’uost 1884


Brev 1881
Invitaziun da Faido da rugalar ils tiarms denter Curnera e Maighels

 

placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

img03.jpg