1882 Tujetsch Emprem tetgAttestaziun – Emprem tetg da stuors en Tujetsch

Sin garegiar dalla titulada suprastonza da Tujetsch, saiel cheutras attestar, che jeu hagi questa primavera proxim passada fatg a Tschamut, sin ina restauraziun da miu hotel leu 260 peis quadrats tetg da „plech“, il qual ha custau a mi cumpleinamein 13.98 frs. il clafter quadrat , 36 peis quadrats.
El medem temps saiel era attestar, che quei ei igl emprem tetg da quella qualitad, ch’ei en Tujetsch.

Il sura attesta
Carli Cavegn
possessur dil sura hotel

Tujetsch, ils 9 da schaner 1882

Tschamut Hotel


Documents en connex cun tetgs
(offertas per far tetg alla casa da scola Sontget a Gonda)
1881 Tujetsch Offerta  Johann Lorenz Fry, Mustér
1882 Tujetsch Offerta  Gion Baptista Schmid, Mustér
1882 Tujetsch Offerta  Gabriel Beer, Tujetsch
1882 Tujetsch Offerta  Duri Baptista Berther, Tujetsch

Quellas quater offertas stattan en connex cun la construcziun dalla casa da scola Sontget a Gonda. La historia plaida suandontamein: 

La construcziun dil tetg era previda da setener vid la pratica usitada en la val cun duas alas tetg drizzadas viers sid nord. Il co en lezs graus vegn surschau alla cumissiun. Il scrinari e meister Gion Battesta Schmid ha denton tschintschergnau si in tetg da crusch alla cumissiun ed aschia ei naschiu in tetg buca gest unitars cullas casas da Tujetsch. Tochen 1908 han slondas cuvretg il tetg. Quellas ein lu vegnidas cuvretgas ina secunda gada cun slondas ton ch’ei ha dau in tetg dubel da slondas. Gia tschun onns pli tard offerescha il cantun 30% subvenziun per remplazzar las slondas cun stuors. Schegie ch’il tetg cun bunamein novas slondas vess aunc surviu 20 tochen 30 onns, ei la lavur vegnida execuida. Forsa ha era la segirtad encunter fiug motivau a quella midada.

La casa da scola Sontget ei vegnida benedida e collaudada ils 16 d'october 1887.

 

 



placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

img04.jpg