Als sequents vischins audan ils dretgs dall’Alp Nalps
Tujetsch 1877 Nalps Dretgs

L’alp da Nalps posseda aschia ensemen 112 dretgs, che audan als sura numnai possessurs, ils quals ein taxai en la taglia cantunala 100 frs l’in, che fa il capital da 11 200 frs.
L’Alp da Grass che auda alla claustra ei taxada el cadaster 14 000 frs.
Miu mises sil Bostg che schai sin territori da Tujetsch stemel jeu 250 frs. Quel en Cavorgia ch’ei sin vies intschess quentel jeu circa 250 frs., ensemen 500 frs. Il mises da Crist Antoni Desax en S.Leci di el, ch’el quenti per la taglia cantunala 1200 frs., 800 frs. per il prau e 400 frs. per igl uaul. Il medem sas ti era prender quel da Gion Battesta Schmet, ch’ei sper il sura mises.

Stimatissim cumpar!
Ti stos a mi perdunar, che jeu haiel senterdau da tarmetter a ti il desiderau resultat da tia damonda.
Per igl emprem hai jeu stuiu sedar gronda breigia da survegnir il rodel dils dretgs da Nalps, ins veva in vegl, il qual veva si ils nums da quels che possedevan buca pli tals ed aschia hai jeu stuiu encurir il ver possessur da quels. La claustra ha era igl emprem buca saviu dar in ver sclariment. Jeu tratgel aber ch’ei seigi aunc baul avunda, pertgei ils da Mustér han era aunc da far quella lavur.
Il förster Giesch ha aunc ussa tarmess a mi neginas plontas, sai buc, forsa ch’el ha tarmess direct a Tujetsch. Has ti survegniu talas, sche sas ti schar saver mei in per dis avon che metter ora talas, sinaquei che jeu sappi era setener leu encunter.

Concludel cun salid e stema

Tiu prompt quinau
Mihel Anton Meissen


Mustér, ils 16 da matg 1877

NB. Salida la Nescha e Rest Valentin

Document
08 1877 Nalps Dretgs



placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

img04.jpg