Cunvegnientscha co tener ils s.v. buc da vischins da Camischolas

Camischolas Cunvegnientscha pag 11877, ils 17 da december ein ils vischins danovamein stai avisai e seradunai tiel cauvitg per far fin cun las dispetas che regevan da quei temps pervia dils bucs da vischins. Finida che quella ei stada, ein ils vischins vegni perina da far in uorden stabel e quel metter per scret ed ei vegniu concludiu sco suonda.

1. Tut tgi che ha cauras, quellas enviarna ni lai ad unviern, ei obligaus da tener buc e zuar dus onns sco entochen da cheu; seigi ei lura in fiug entir ni mo miez fiug e la roda deigi ira vinavon sco ei s’auda e mai turnar anavos, schegie ch’ei vess da vegnir en novs purs pli anavos dalla roda. Libers da quella grevezia ein mo tals purs che cumpran la primavera ina ni pliras cauras per quellas mazzar igl atun, tals ston buca tener buc.

3. Ei vegniu mess si ina bonificaziun da 3 frs. per onn per buc, la quala grevezia aber tuttas cauras che vegnan tagliadas pustretsch degien purtar ulivamein. Igl emprem che tila il pagament per ils bucs ei Tumaisch Berther giuven.

3. Dueien sco tochen da cheu vegnir tratg dus bucs giuvens per onn, quels envernai dus onns aschia, ch’ei seigi adina dus bucs giuvens e dus vegls.

4. Duess in vischin ni l’auter buca tener il numnau buc, sche han ils vischins il dretg da cumprar in sil quen dil negligent che tila negin buc.
NB. Duess in vischin ni l’auter dismetter las cauras quei onn ch’el stuess tener buc, sche duei tal vischin stuer trer in buc igl emprem onn ch’el tuorna ad envernar cauras.

5. Ston tuts quels che han ils bucs, ni quels cun las cauras dil vitg, ni silmeins saver dar novas d’els, cura ch’ei vegn tagliau pustretsch. Cass cuntrari degien ils proprietaris vegnir e secunvegnir giu cun ils vischins.

Per questa conclusiun attesta il cauvitg
Wigieli Berther




placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

0341.jpg