Tegias e suloms che la vischnaunca ha inaga ni l’autra cumprau giu da certs particulars - 1873 – 1886

1873
ils 18 da zercladur ha la cumissiun dallas alps en num dalla vischnaunca cumprau il sulom e la crappa dalla tegia da Giachen Antoni Deflorin si Tgatlems. Per tal sulom e crappa eis ei schau a Deflorin quater dis lavur cumina dallas alps. Duess il sura numnau ni ses affons baul ni tard vegnir sil patratg da turnar a baghegia ina autra tegia si Tgatlems, (aber bein capiu mo per siu agen diever e buca per speculaziun), sche ei la vischnaunca obligada da dar sulom per nuot a Deflorin.

1873
Ils 18 da zercladur ha la cumissiun dallas alps, en num dalla vischnaunca, cumprau giu la tegia si Tgatlems, stada da Gion Giusep Riedi da Tschamut, per la quala la vischnaunca ha stuiu dar al sura numnau in lenn da slondas egl uaul Surrein ed ei era daus entras Gion Paul Berther.

1874
Ils 16 da schaner ha la cumissiun dallas alps, en num dalla vischnaunca, cumprau da statalter Giachen Antoni Beer la tegia enta Strem per la quala la vischnaunca ha pagau al sura 30 frs. da s. Martin 1874.

1876
Ils 20 da zercladur ha la cumissiun dallas alps, en num dalla vischnaunca, cumprau giu la tegia en Val Val, stada da statalter Hans Giachen Decurtins e schau ira sedisch dis lavur cumina persuenter.

1879
Ils 4 da mars ha la cumissiun dallas alps, en num dalla vischnaunca, cumprau giu la tegia, sulom, lenna e crappa da Tiarms Sura, stada da Paul Schmet, schau ira persuenter vegn dis lavur cumina.

1879
Ils 13 da zercladur ha la cumissiun dallas alps, en num dalla vischnaunca, cumprau giu la tegia si Caschlè, stada da Bistgaun Gieriet per miert, e schau ira dudisch dis lavur cumina, sis dis a Gion Antoni Gieriet e sis dis a Gion Bistgaun Gieriet.

1886
Zercladur, ils 8, ei la tegia veglia da Mut vegnida cumprada giu dils particulars possessurs dalla suprastonza da vischnaunca ed entrada en possess da vischnaunca, cun dar als sis stols treis dis per in lavur cumina. Ils sis stols ein
1. statalter Gion Antoni Peder, Selva;
2. frars Loretz, Rueras/Selva;
3. Giachen Fidel Caduff;
4. Gion Antoni Caduff, frar dil sura:
5. Alois Bruker;
6. Gion Fidel Berther, vegl, Rueras.





placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

0341.jpg