1873 Zavrada

Cunvenziun ariguard la zavrada da nuorsas, Tujetsch, ils 30 da matg 1873

Denter la ludeivla vischnaunca da Tujetsch, per quella gerau Giachen Antoni Schmid dad ina vart, e da l’autra vart ils possessurs dil funs sur il landstross el Crest da Clavadi, numnadamein Duri e Wigieli Berther e statalter Falizi Schmid, eis ei vegniu serrau giu la cheu suandonta cunvenziun:

Ils treis sura allegai cedan via alla ludeivla vischnaunca il dretg per far ina zavrada da nuorsas, il necessari prau che sedamonda cheutier, cun il dretg da puder ina gada per onn puder zavrar las nuorsas dalla vischnaunca e zuar quei igl atun cura ch’ellas vegnan descargadas dall’alp, cass cuntrari aber, sch’ei stuess per amur da neivs vegnir descargau avon ed ils particulars dalla zavrada havessen aunc buca si il fretg da quella zavrada, sche po tonaton la vischnaunca zavrar las nuorsas en quella, bein aber ei la vischnaunca obligada da schar schazegiar in dils schazegiaders dalla Sparcassa ch’ein destinai per nossa vischnaunca, tgei donn ils possessurs piteschien, e lura ha la vischnaunca da satisfar per donn e spesas dil schazegiader.

La pasculaziun dalla primavera ed atun ella zavrada ei libra.

Plinavon ei lura la vischnauna obligada encunter ils particulars e possessurs dil prau dalla zavrada, da daora si e suren far mir che competti per classena aschilunsch sco ei plai e lura quei che vonza dadens giu e dadora metter en petgas da crap e fatg si palera entochen giu tier la strada, quei encunter la strada duei vegnir mess en lattas e fatg si palera, aber dadens si sum e dadora oradem, duei vegnir fatg puretglias, quella enasisum ei aber sulet duvreivla per quei di schar vegnir en cun las nuorsas, e quella dadora ei per schar ira ora cun las nuorsas cura ch’ellas ein zavradas e per il fretg dalla zavrada.

Plaschess ei alla vischnaunca da permiez la zavrada en ed ora u sidengiu, quei di far ina seiv per ton pli bein tener las nuorsas ch’ein zavradas ord quellas ch’ein aunc da zavrar, sche po la vischnaunca far quei sin siu quen per aschiditg che la vischnaunca salva quella per sia zavrada e sto era mantener quella ils mirs, seivs e geinas.
Per ina memoria da tala cunvenziun eis ei vegniu extardiu in exemplar per part e per verdad e vigur tut attestan las parts sezzas di ed onn sco sura.
En num dalla vischnaunca da Tujetsch

Giachen Antoni Schmid, gerau da quei temps
Wigieli Jos. e Duri Berther e
statalter Martin Falizi Schmid

Registrau egl emprem cudisch da marcaus sut pagina 445, attesta
Tujetsch, ils 17 da matg 1878
Giachen Antoni Schmetd, registratur

Document
Medem document denton dils 25 da matg 1872


placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

0341.jpg