Dispeta pervia dil buntaduir da Begliet denter ils vischins da Dieni Sut e Sura
Ella dispeta pervia dil buntaduir da Begliet denter ils vischins da Dieni Sut e Sura, fatga pendenta avon il mediatur Plazi Condrau, ei quel suenter haver tedlau las parts a Mustér sut ils 12 da mars 1872 serendius oz culs respectivs vischins u proprietaris dils praus da Dieni Sura e Sut silla plazza dil buntaduir questiuneivel. Havend mirau giu la localitad ei tra il mediatur e signur assistent Schmitd vegniu tier sequenta amicabla cunvenziun denter ilas allegai vischins:

1. Ils possessurs da Dieni Sura e Sut buentan el communabel buntaduir da Begliet a Dieni Sura. Duess ei malgrad in bien uorden inaga ni l'autra muncar sufficienta aua en quei begl, sche han ils da Dieni Sura igl emprem dretg da buentar, aschia ch'ils da Dieni Sut ston en tal cass star anavos cun lur muvels. Buc'in vischin duei enten buentar maltractar ils tiers d'in auter.

2. Per dar meglier plaz e vegnir tier meglier uorden duei la Gassa dil buntaduir vegnir slargada sufficientamein e zuar sisum vegn ella carschentada giu da maun sut entochen il cantun dil clavau da frars Hetz, la mesadad sut dalla Gassa vegn slargada si da maun sura. Il mir encunetr il prau duei vegnir fatgs si sco s'auda ed en Gassa fatg ina sulada.

3. Las spesas dalla expropriaziun per slargar la gassa e per far quella lavur, las spesas da mediaziun, sco era quellas pervia dalla perdetga digl emigrant statalter Giachen Martin Schmetd (sche vegnan buca a survargar 10 frs.) pagan ils vischins communablamein a proporziun da lur funs a Dieni. ils geraus da vischnaunca han da far ora il prezi dil prau expropriau, sco era eventualas dispetas sur la repartiziun dils cuosts.

4. Il cultem en Gassa pon quels che mantegnan ils mirs far si. Sisum ed anoragiu frars Hetz e Duri Berther, schi lunsch sco lur prau va, da leuanen entochen la punt G. Fidel Caduff e Duri Berther.

5. Per buca tartignar l'aua dil buntaduir vegn Duri Berther tschentar si in agen begliet, nua che l'aua va ord il begl da buentar per lavar ersti ni auter diever da sia casa.

Quei tut ei daventau per evitar malemperneivladads, dispetas e conservar la buna pasch denter vischins.

Per confirmaziun da quella cunvenziun suttascrivan omisduas parts ils dus originals da questa cunvenziun.

La part dil plogn    La part dalla risposta
D. B. Berther  
per G. Fidel Caduff
Sep Antoni Deplaz
Gion Bistgaun Hetz
Sep Antoni Hetz
per Toni Derungs

Remarca: Rueras, ils 27 d'avrel 1930. Retschiert la sura brev da signur gerau Baseli Berther, il qual ei en possess da quellas scartiras.
                                             

placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

img06.jpg