Brev da cunvenziun per la via nova giun Claus digl onn 1871, ils 6 da matg

Havend pli baul il vischinadi da Cavorgia giu instanziau tier la ludeivla vischnaunca che quella cumpri ora per siu vischinadi ina via d’ira cun bos e menadiras da tut temps da Claus enasi encunter Giepia, quei sil mender donn dils funs da Claus, essend sia veglia via per part ruinada u carschida en cun plontas etc. etc.

Vesend la ludeivla vischnaunca la gronda necessitad per tala via al vischinadi da Cavorgia, ha quella lura suandau ed incumbensau il suttascret da tonpli gleiti ira giun Claus e stigiar ora quei toc via nova cun lura aunc far giu cun ils proprietaris dil uns, che quella via peglia etc.

1871 Via Nova ClausPia oz arrivaus a Claus cun ils proprietaris da quels funs e stigiau e mesirau ora a scadin siu toc, che quella via nova peglia ch’ei sco sut suonda il final regulament per il funs e purteglias etc.

1mo. Pia entschiet oragiudem sin quei dil Valier da Camischolas e leu tschentau sin quei prau u grep ina geina per quella far mantener vegn pagau 10 frs.; dapli da leu enasi eis ei aunc 9 fests, e vegn pagau 15 raps il fest, 1.35 frs.

2do. Enasisura vegn rest Giuseph Jacomet cun 5 fests e 15 raps il fest,, 0.65 frs.

3tio. Enasisura vegn Lezi Jacomet cun 5 fests e 15 raps il fest,, 0.65 frs.

4to. Vegn Lezi Huonder cun 12 fests suenter il sura ei 20raps il fest, 2.40 frs.
dito sur quei per schliet prau grass 12 feste a 50 raps ils fest, 6 frs.
dito enasisur quei da Gion Rest 23 fests a 1 fr. il fest, 23 frs.
dito sin quei prau far e mantener ina geina a quen siu 12 frs. cun l’obligaziun da schar ira sut il viadi da bara da 19 fests liung, che vidavon mava atras quei prau viers via si sut il baghetg en.

5to. Giachen Antoni Monn ha per 8 fests prau daver che va viadi a 1 frs il fest, 8 frs.

6to. Sut casa da gion antoni Jacomet u Giger aviert la gassa per 1 ½ fest, 4 frs.
Ha la vischnaunca pagau a scadin possessur dil prau total 68.05 frs.

Il vischinadi da Cavorgia paga ord quei per la geina giuseu 5 rs..
Che quei seigi rugalau giu cun las parts, sco avon ei scret e mess per scret entras mei en num dalla vischnaunca e per ils che sura numnai attesta

Jacob Anton Schmid
gerau da quei temps

Registrau ils 20 da zercladur 1891, el II. cudisch da marcaus sut pagina 181 nr. 320

 

placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

0347.jpg