Accord cun meister mustregia Gion Giusep Baselgia

Tujetsch, ils 13 d'avrel 1869
Denter meister mustregia Gion Giusep Baselgia da Cumpadials d'ina vart e da l'autra vart la vischnaunca da Tujetsch, representant da quella gerau Giachen Antoni Schmet, eis ei vegniu serrau giu il suandont accord.

1. Meister Baselgia surpren da schubergiar e rugalar tuttas liufas ch'ein en nossa vischnaunca e per scadina dueien ils particulars pagar 45 raps ina e vegnir treis gadas per onn, l’emprema il meins avrel e l'autra igl emprem da zercladur e la tiarza sch'igl ei sis liufas igl emprem d'october.

2. Duess ei buca esser sis liufas la tiarza gada ed el stuess vegnir en mo per treis entochen sis, sche dueien quels stuer pagar 90 raps ina.

3. Dueien ils vischinadis esser obligai da far da saver otg dis avon ch'il meister vegni al gerau, contas liufas ei seigi da schubergiar en scadin vischinadi u en ils mises e zuar en questa moda: al gerau da Sedrun dueien ils dus vischinadis da Maun Sut, Bugnei e Sedrun far da saver a quel. Per Gonda, Camischolas e Zarcuns dueien quels far da saver a siu gerau. Per Rueras e Dadens gl'Uaul al gerau da siu liug.

4. Dueien tuttas brevs da correspondenza esser francadas, ton d'ina vart sco da l'autra.

5. Igl avon accord ei serraus giu che negin possi schar rugalar auters meisters, num ch'el paghi aunc ina gada al meister Baselgia per quella liufa, che vegnessen rugaladas d'auters meisters.

6. Igl avon acord ei serraus giu per treis onns dad oz naven ed aunc treis onns en remessa dil meister e la vischnaunca sch'ei sesanflan cuntents, ton ina vart sco l'autra, priu ora il cass da mort dil meister, sche fuss ei rut tut.

Aschia serrau giu denter las parts e da quellas vegnius attestaus cun suttascripziuns.

Il meister Per la vischnaunca da Tujetsch
Gion Giusep Baselgia Giachen Antoni Schmet, gerau

 
Matg, ils 6, anno 1869

Legiu avon alla vischnaunca ed approbaus da quella.

Salvanori84


placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

img03.jpg