Documents en connex cun la malaura digl onn 1868, igl 1. - ils 4 d'october

Els protocols da vischnaunca:

1868
Ha la vischnaunca, tenor giavisch dil ludeivel obercheit da cumin, tratg ora dus schazegiaders pervia da far ora ils donns che l’aua e bovas han caschunau a nossa vischnaunca entras la malaura e dessignai ein gerau Schmed e gerau Duri Venzin.

1869
Ha il president fatg da saver a quels che vevan pigliau donn dallas auas, che vevan schau per far uors, che dueien vegnir ensemen per mirar nua ei veglien metter quels daners ni sch'ei veglien prender mintgin il siu.

Cheu ves'ins memia bein con damaneivel dil vitg ch'il Run ei zacu vegnius. Quei vegn ad esser stau cumbinau cun bia sgarschur e tema. Segiramien han ins suenter quella "catastrofa" curregiu il vau dil Run e menau el permiez giuado. Deplorablamein dat ei neginas menziuns historicas da quei mument.
Igl onn 1834 fuva la situaziun gia quella sco sura, gliez onn ei il Run semenaus, entras ch'il vau era forsa sestuppaus, plinengiu (altezia dalla plazza da giug) vi enviers la spunda e tagliau naven ina part dil santeri da s.Vigeli. Da quella disgrazia, "aua gronda egl entir Grischun" mira: La malaura da 1834.
Interessantas notizias ha era Vigeli Beer, scrinari, Sedrun, nudau: Drun da Sedrun
Dapli era: Il Drun da Sedrun