Gentar da s. Martin e deivet alla venerabla claustra da Mustér

Gl’onn 1861 ei vegniu fatg la convenziun, nua che Tujetsch s’oblighescha da pagar giu il tscheins fier dallas alps Val Val e Val Giuv, consistent en 600 crenas u 850 funs caschiel grass, annuala grevezia alla claustra da Mustér, cun il capital da 7650.– frs. en diversas ratas, suenter la quala liquidaziun Tujetsch seigi lu sligiaus per adina da tuttas grevezias visavi la claustra. Suttascret han: P. Martin Andreoli, administratur claustral, e da vart dalla vischnaunca ils geraus: Hans Giachen Beer, J. A. Berther e Duri Venzin.

Duas quittanzas davart ils pagaments alla claustra:

 02 1862 11 november quittanza Vischnaunca  03 1865 13 november Quittanza Vischnauncapdf
 Quittanza dis 11 da november 1862  Quittanza dils 13 da november 1865

En ina nova e davosa scartira sur quels fatgs da 1866 vegn ei stabiliu, che la vischnaunca da Tujetsch cedi da sia pretensiun sin il gentar da s. Martin. Persuenter lai la claustra anavos 2000.– frs. dil capital, sco era il restont tscheins da 100.– frs., ed aschia calan tuts dretgs e grevezias da mintga vart si.

Daco quei gentar da sogn Martin - ils 11-11??
Quei gentar da s. Martin per il plevon, ils geraus e calusters, che la vischnaunca pretendeva sco per in dretg, ferton ch’ei era mo ina isonza ni abus, era vegnius si cheutras che la claustra ha giu entschiet a dar ord atgna voluntad e per creanza enzatgei gentar als cautegias da quellas duas alps; silsuenter ei la respectiva suprastonza vegnida vitier e pli tard tut quels ch’eran enzacu stai en uffeci da vischnaunca, aschia che la tablada dumbrava entochen 26 persunas. (Text da pader Baseli Berther)


Cunvenziun dils 13 da november 1866
Ei serrau giu cun il monsignur avat Birker en num dalla venerabla claustra da Mustér d’ina vart e da l’autra vart la suprastonza da Tujetsch, ina cunvenziun ch’ei d'anflar egl archiv, che plaida en quest cheu detg, ch’ils contrahents ein sentelgi che la vischnaunca da Tujetsch desisti da siu dretg dil gentar da s.Martin, ton digl obercheit sco dil segnerfarrer e calusters, persuenter paga e scultrescha la claustra il sura final capital che resta alla vischnaunca aunc derivonts digl arvè da caschiel (ei era daver la cunvenziun egl archiv), sco era il tscheins da quest onn che fa aschia la summa da 2000 frs., aschia sin quella moda ei il sura capital dalla vischnaunca vegnius pagaus cun siu tscheins vitier da maniera ussa pia, che la vischnaunca ha pli nuota d’haver e nuota da dar alla venerabla claustra da Mustér.

Lucas Cavegn, gerau

Ils protocols da vischnaunca plaidan aschia davart il gentar da s. Martin

5 da november 1865

Eis ei vegniu mess avon ch'il capital che la vischnaunca hagi da pagar alla venerabla claustra mondi ussa gleiti alla fin e sch'ins vegli avon che finir giu, mirar da sentelgir cun il gentar da s. Martin ni buc. Suenter da quei ha la vischnaunca incumbensau gerau Lucas Caveng e gerau Schmet da schar ir a mirar da rugalar quei, adina entelgiu cun reservar avon finir giu da rapportar alla vischnaunca per l’approbaziun da quei.

10 da zercladur 1866
Eis ei dumandau, sche la vischnaunca seigi cuntenza da schar intimar la venerabla claustra, ch’ins detti buca il capital che la vischnaunca hagi, entochen che la claustra hagi buca dau garanzia u pègn per il gentar da s. Martin, che quella ei obligada da dar annualmein a tuts quels ch’ein presents sco obercheit, sco era a quels ch’ein stai enzacuras, sco era quels che vegnan plitard denter igl obercheit da vischnaunca. Ei lura concludiu ch’ei duei vegnir fatg sco cheu avon ei proponiu.

1866, ils 16 da settember
Eis ei vegniu legiu la brev dil Cussegl Pign pervia dil gentar da s. Martin, ch’ei vegni dau per quel 1500 frs. e per igl „Oberalp Strasse“ 500 frs., total 2000 frs. Ha la vischnaunca sinquei ordinau da buca prender meins che 2500 frs. e schar sura als geraus da turnar a scriver al Cussegl Pign.

1866, ils 16 da settember
Eis ei vegniu rapportau ch’il Cussegl Pign hagi tarmess tier alla venerabla claustra ed offeriu per cumprar lartg il gentar da s. Martin alla vischnaunca 1500 frs., dapli 500 frs. sco schenghetg, vul dir per tener las empermischuns stadas fatgas da far ina indemnisaziun per l’expropriaziun dalla via nova. Ha la vischnaunca decretau da schar sura als geraus da recavar sche pusseivel seigi silmeins 2500 frs. seigi lura da tgei maun ch’ei vegli.

17 da fever 1867
Eis ei legiu giu la cunvenziun fatga cun la venerabla claustra appartenet il gentar da s. Martin ed ei vegniu approbau tal e qual sco quel plaida.

7 d'avrel 1867
Ha il president legiu giu la brev ed accord fatgs cun la venerabla claustra, davart il gentar da s. Martin denter il reverendissim monsignur avat d'ina vart e da l'autra vart il "forstand" u geraus dalla vischnaunca da Tujetsch. Ei lura dalla vischnaunca approbau tal e qual sco el ei screts.

Correspondenza en connex culla marenda/gentar da s.Martin

05-09-1866 Brev dil Cussegl Pign
   
18-09-1866 Brev al Cussegl Pign
   
22-09-1866     Cussegl Pign alla vischnaunca pert. il gentar da s.Martin davart la liberaziun da quei buordi per la claustra
   
30-09-1866 Brev al Cussegl Pign
   
02-10-1866 Vischnaunca al Cussegl Pign pert. il gentar da s.Martin
   
16-10-1866                                Brev dil Cussegl Pign pert. il gentar da s.Martin e la proposta dad acceptar la summa da 2000 frs. e schar pagar ora il gentar da s.Martin entras la claustra.
   
13-11-1866 Convenziun dils 13 da november 1866  suttascretta da  +Paulus Birker

Document/convenziun dils 13 da november 1866 

 08 1866 Vischnaunca November 13

 

placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

img06.jpg