1866 Caltschina

Cundiziuns che la vischnaunca da Tujetsch metta a quel che vul surprender da ad ella furnir la necessaria caltschina annualmein

1. Ch’il surprendider seigi obligaus da ad ella annualmein furnir la necessaria caltschina, aschia ch’il surprendider, aschigleiti sco ei vegn en il diember da 30 salmès, ei obligaus da barschar e quei enteifer il suandont temps digl emprem matg tochen s.Martin.

2. Enteifer quei temps ha la vischnaunca il dretg da fixar cura duei vegnir barschau.

3. Vegn fatg dalla vischnaunca in vischi da mesirar, la mesira dil qual duei ira co(a)relutif cun l’usitada mesa brel, quella mesira u vischi duei vegnir mesiraus a tgiembel e bein empleniu ora.

4. Otg da quellas mesiras formeschan in salmè.

5. Ei il surprendider obligaus I: priu ora disgrazias u grondas malauras :I da garantir la caltschina, quei vul dir ch’il surprendider seigi obligaus da bonificar alla vischnaunca per la lenna consumada, adumbatten anorma da 5 frs. il „Clafter“.

6. Sto il surprendider baghegiar in fuorn niev e zuar solid e bien en in liug segir dalla lavina e sper la via I: manegiau denter il fuorn enasisum tochen oragiu la pun :I quei fuorn duei tener 60 salmès, quei tut sin sias spesas, sco era quel adina conservar e mantener en bien uorden ed era quel en bien stan e duvreivels schar anavos alla vischnaunca cura siu accord ei finius senza entgina indemnisaziun.

7. Ei il surprendider obligaus d’adina barschar la caltschina cun lenna secca, vul dir, duei adina ver lenna pinada igl onn avon e per barschar la caltschina sco era duvrar leutier las romas che vegnan dalla lenna pinada per quei intent.

8. Ha il surprendider il dretg da prender la crappa da caltschina, sco la lenna da barschar quella, ord ils loghens leutier predestinai, cheu da ver els uordens da vischnaunca e quei per nuot u senza pagar enzatgei persuenter alla vischnaunca.

9. Era ei il suprendider obligaus da dar, sch’ei vegn garegiau ina sufficienta garanzia, ch’el vegli vegnir suenter allas sura cundiziuns, onn e mintg’onn, aschiditg sco igl accord cuoza.

1866 en settember, ei vegniu surdau il barschar caltschina per nossa vischnaunca sut las cheu avon perscrettas cundiziuns per diesch onns al Giuseph Antoni Bisculm a Mustér, il qual ei s’oblighaus sut las avon perscrettas cundiziuns da furnir alla vischnaunca quels diesch onns caltschina per 3.50 frs. il salmè.

Biscuolm Giusep Antoni


placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

0341.jpg