Sepusont sin la sentenzia cumpromissaria dils 21 d’october 1861 a Mustér en questiun denter las duas vischnauncas da Tujetsch e Medel, ein las respectivas lingias da mesiraziun sut ils 29 da settember 1865 en preschientscha dils alla fin suttascrets signurs geraus vegnidas stabilisadas sco suonda:

1. Dil tierm giu Cavorgia dador casa el sulom dalla casa ussa demolida, stada da statalter Giachen Martin Bearth, va ei en lingia sin il tierm el cantun dil prau da statalter Tumaisch Monn.

2. Da quei tierm grad numnaus eis ei vegniu priu, cun cuntentientscha dils signurs geraus d’omisduas vischnauncas Tujetsch e Medel, ina lingia da sequenta maniera:
Dil punct ni tierm el prau da statalter Tumaisch Monn, duei ina montada successiva ed eguala arrivar sin il punct ni tierm el plaun dalla Tegia Marscha, nua che questa livelleta tanghentescha ni streha il terren, duei la lingia da mesiraziun esser formada. Sur da quei eis ei vegniu priu si e mesirau ora ina lingia nivellatorica, la quala munta denter ils dus puncts principals indicai cun 7.67 per tschien. Denter quels dus puncts principals numnai e la sura indicada sentenzia cumpromissaria eis ei vegniu tschentau 32 tiarms da crap.

3. Dil tierm el plaun dalla Tegia Marscha, indicaus cun il „Jahrzahl“ 1865 ed ina crusch, va ei en lingia sin in crap ni grep sper l’aua, il qual crap ei marcaus cun duas cruschs.

4. Da quei crap sper l’aua grad indicaus va ei ora la Gonda dil Spitg, nua ch’igl ei fatg si ina crusch sin in crap gries sper ils tiarms.

5. Da quei davos indicau punct taglia la lingia da mesiraziun si amiez il crest dadens la Gonda dil Varetg, nua ch’igl ei era tschentau dus tiarms.

6. Da quei davos punct va ei en lingia tochen sisum dadora la Val dalla Fontauna, che schai encunter il Vanatsch. Cheu eis ei plantau dus tiarms e sut quels eis ei in crap gries che ha si ina crusch.

7. Da quels tiarms va la lingia da mesiraziun suenter il spitg si tochen sisum la Plaunca Aulta, nua ch’igl ei medemamein tschentau dus tiarms marcai cun crusch.

Per testaziun dil cunsentiment dallas cheu allegadas e stabilidas lingias da mesiraziun, suttascrivan ils respectivs signurs geraus dallas duas vischnauncas.

Tujetsch, ils 29 da settember 1865
Giachen Antoni Schmed
Lucas Caveng
Gion Giosep Giossi
Gion Battesta Venzin

placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

img01.jpg