1864 65 Tujetsch Quen communal

Document original: "Quen della ludeivla Vischnaunca de Tujetsch 1864 e 1865"


Tujetsch Tschamut Chischners

Tschamut
: ils chischners, mussament dalla cultivaziun dil graun sin 1650 m sur mar


Tujetsch Sontget mats

Sontget dils mats giudem Gonda; baghegiaus igl onn 1864

Sontget dils mats a Gonda
Il sontget dils mats sesanflava sper la punt a Sedrun, giudem la via da Gonda. El representava Niessegner vid la crusch e purtava sin la fatschada l’inscripziun «Ecce Homo». Il sontget ei vegnius baghegiaus 1864 sin sulom, che famiglia Martin Beer, Gonda, ha giu regalau. Da vegl enneu existeva gia in tec pli anora in sontget fatg sin petgas e tabliaus cun aissas. Quel ha denton stuiu ceder vegnend il stradun sull’Alpsu baghiaus. El ei aunc documentaus igl onn 1837 sin la carta dalla via entras inschegnier Salvetti.
Avon onns serimnava la cumpignia da mats avon quei sontget per rugalar mintgamai lur fatschentas, sco per exempel metter capitani, reparter las bandieras per las fiastas ed auter. Il sontget s’udeva alla cumpignia da mats, che ha baghiau e manteniu el. Per quei intent vegneva ei priu si mintg’onn la fiasta da Sontgilcrest in’unfrenda denter la cumpignia da mats. 1909 han ins enrihiu el cun in niev garter da fier ed igl 1911 renovau el. La cassa el garter surveva sco mudesta entrada per la cumpignia. Pli daditg vegnev’ei era schau arder ils davos dis dalla jamna sontga ina glisch en quei sontget. En connex cun il slargiament dil stradun e l’erecziun dalla via da Gonda ha il stradun stuiu ceder allas relaziuns modernas da traffic.

 Tujetsch Malaura 1834 Plan da situaziun digl onn 1860

4. Via veglia
5. Via nova, eregida ils onns 1862-64
7. Il vegl sontget

 

Tujetsch Gonda Sontgel dils mats

Davontier la via ch'ei la cuolpa dalla disfatga dil sontget dils mats ils onns 1960 muort engrondaziun dalla via principala, mo era pervia dalla segirtad d'acces dalla Via Gonda ella Via Alpsu. La via veglia da Gionda passava dretg ni seniester dil sontget e mintgin fageva diever tenor basegns e direcziun ch'ins leva prender. Dretg steva in baun che vegneva duvraus stedi. Era jeu sundel sesius meinsvart sin quel. 
Igl unviern mavan nus cun scarsola da Gonda giu e quei naven dalla staziun. Il pli savens seligiavan nus en cun star en venter silla scarsola e formavan aschia ina cadeina da 3-4 scarsolas. Giu ella via principala semenavan nus e prendevan la direcziun dil Run giu e la cuorsa cuntinuava tochen giu spel Rein. Il pir fuva il turnar ensi e gliez cuzzzava "bienaditg". 
Davostier ves'ins la casa barschada giu 1981. Senister la mazlaria Curschellas dil "Thomas mezger", sco el vegneva numnaus da nus en famiglia. Jeu seregordel aunc bein dalla zoppina dils onns 1950 (onn exact ?). Jeu erel in buob e sur il sontget vev'ins rasau ora resgem ed ins steuva passar atras quel, tgunsch cunteneva quel enzatgei per desinfectar. La mumma era strentga e mirava che nus passien serius ed endretg atras quella sdrema melna. Quei veva fatg a mi gronda impressiun ensemen cul plaid "zoppina" che tunava nundetg impurtonts en mias ureglias affonilas!

 

 

placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

img03.jpg