Entelgientscha denter Hans Giachen Decurtins e la cumissiun stradala

Entelgientscha
1863 Cumissiun stradalaD’ina vart statalter Hansgiachen Decurtins, da l’autra vart la cumissiun stradala eis ei sentelgiu ariguard tschentar in baghetg sco suonda.
Secuntenta il sura statalter Hansgiachen Decurtins da dar il sulom da tschentar in baghetg da dus nuegls da sedisch armauls per nuegl e quei per 3 francs il fest cun miserar grundas e la cuort sco quei che fa da basegns per cuort e viadi cun la clara cundiziun ch’il proprietari possi aber quei che crescha sin grundas e la cuort possi sez guder per adina sco era schar ad el il tratsch che vegn cavaus giu da siu funs u sulom, e deigi era buca vegnir cavau ord il funs dalla cuort, el possi cun quei tratsch far tgei ch’el vegli ed il chischner duei era vegnir si per preit avon nuegl e fermaus en vid il clavau, clar detg il chischner duei vegnir tschentaus si ella cuort.

Per confirmaziun dil sura suttascrivan ils suandonts
Rueras, ils 9 da zercaldur 1863
Hans Giachen Decurtins
Per la cumissiun stradala
Duri Venzin

Il medem di sco sura eis ei sentelgiu cun Madleina Decurtins ariguard siu funs che mass per far il sura baghetg ed er quel ch’ei ius per la via ed ei cun ella amicablamein vegniu perina ed ella ei secuntentada cun 2 francs il fest per siu funs che vegn duvraus.
Per confirmaziun dil sura fa la Madleina Decurtins si sia noda casa
Per la cumissiun stradala
Duri Venzin

Ch’il cuntegn da questas duas brevs segien registradas el cudisch da marcaus sut pagina 347 attesta
Tujetsch, ils 7 d’uost 1865
Giachen Antoni Schmedt

placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

img03.jpg