Anno 1861, ils 19 da mars, ha il vischinadi, en preschientscha da mei suttascret, legiu ora il Giachen Maculin per dus onns caluster, cun la paga da 104 frs., ditgel tschien e quater francs per onn, cun la cundiziun ch'el laschi tut l’autra entrada dalla calustria al vischinadi, e quei tut per applicar tier il benefeci dalla scola, e tier nuot auter, e ch'el, Giachen, stoppi lu orda quei pagar nuot, ni spenda, ni enzatgei auter, sonder, el hagi da trer ils sura 104 frs. blut, per siu survetsch.

Vigilius Venzin, caplon

Tujetsch Rueras viers  Sedrun

Il vonn, il plaun principal dalla Val Tujetsch (ils ulteriurs plauns che fuorman la val ei quel da Selva e lu quel da Tschamut). Davontier Rueras (buca veseivel Dieni/Putnengia), lu suondan Zarcuns e Camischolas, silsuenter Gonda e Sedrun ed alla fin ed odem, ni all'entschatta dalla val ei Bugnei. El funs il Rein Anteriur e beinveseivel co el ha luvrau ora siu vau e formau las spundas dils plauns da Rueras a Sedrun. Surstar fan las bialas squadras da Rueras/Zarcuns e Camischolas/Gonda en sia dimensiun e ch'ein, sper igl auter territori, stadas caparra per ina agricultura che ha saviu nutrir ses biabein 900 habitonts dalla val! Pader Baseli Berther suttastreha la posiziun da Zarcuns/Camischolas cun metter leu ils rehs e beinstonts purs dalla val!
El funs ei il Run beinveseivels cun dretg da quel la Pala Gronda e  Ruina Plauna ed il Cungieri.  A Valtgeva ei la zona da zavrar nuorsas aunc veseivla.

Ina semeglionta fotografia ei sco in cudisch - ella raquenta ina massa - mo prender peda da mirar e contemplar! (Engrondir cun smaccar silla foto!)

 

 

 

placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

img04.jpg