Accord fatgs anno 1861 culla claustra appartenent tier il pagar giu igl arvè dallas alps

1861 01 ConvenziunCunvenziun
Denter la venerabla claustra da Mustér ed ils respectivs geraus dalla ludeivla vischnaunca da Tujetsch, ils signurs Hans Giachen Beer, Duri Wenzin e Gion Andriu Berther, ei sut il present datum, cun reserva da mintga vart dalla cumpetenta approbaziun, vegniu tier la sequenta entelgientscha:

La ludeivla vischnaunca paga giu il tscheins fier dallas alps Val Val e Val Giuv, consistent en 600 crenas u 850 funs caschiel grass annuala grevezia alla claustra da Mustér cun il capital da 7650 frs., ditgel francs siat melli sistschien tschunconta.
La titulada vischnaunca ha il dretg da trer anavos da quest capital 1000 frs. sch’ella vul desister digl usitau gentar che la titulada claustra dat annual als respectivs signurs da Tujetsch la fiasta da s. Martin. En cass ch’ella preferescha da star tier igl usit vegl da retscheiver il gentar, sche paga ella la summa da 7650 francs integra.

Il sura capital s’oblighescha la claustra da retscheiver en las ratas sco suonda:
650 frs. sin la fiera matg 1861 senza tscheins per quels 650 francs.
1000 frs. il di da s.Martin 1861, cun metter vitier il tscheins annual digl entir capital.

1862, il di da s.Martin, ed ils sequens onns succesivs, vegn pagau annual capital 1000 frs. cul tscheins digl entir capital existent vitier a 5 % tochen totala liquidaziun dil capital, suenter la quala liquidaziun, la titulada vischnaunca ei sligiada per adina dalla grevezia dils 850 funs caschiel grass.

Mustér, 1861, ils 21 da mars
En confirmaziun dil sura, num dalla venerabla claustra
pader Martin Andreoli administratur

Hans Giachen Beer, gerau
J. A. Berther
Duri Wenzin

Ils suttascrets en qualitad da liquidaturs dalla venerabla claustra da Mustér ratificheschan en vertit da lur plenipotenza la sura cunvenziun
Mustér, ils 21 da mars 1861
Joh. Ru. Toggenburg, liquidatur
Christian Decurtins, liquidatur

placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

img02.jpg