1858 Caltschina

Accord sur il barschar caltschina

1858, ils 28 d’uost, ha la ludeivla vischnaunca d’ina vart e Giachen Martin Giger da Tujetsch e Barclamiu Gieronimi dil district da Chiavenna, vischnaunca da S.Giacomo da l’autra vart.

1. Ein ils sura surprendiders obligai da far il fuorn entiramein novs e cun la bucca menada anora encunter gl’Uaul Cavorgia, e cura ch’igl accord ei finius, duei il fuorn esser en bien stan.

2. Duei ei vegnir dau buna mesira a norma d’otg mesas brels il salmer e las mesas brels dueien esser sufficient grondas, era duei ei vegnir dau caltschina e buca crappa, ni tschendra ni puorla, duess ei resultar ch’ei vegness dau crappa, ni sco sura menziunau, ein ils surprendiders obligai da recensiar al proprietari tenor enconuschientscha dils meisters che lavuran ora ella, ni d’in tierz.

3. Ein ils surprendiders obligai da far ina via oravi sur il fuorn ora egl Uaul Cavorgia per rabitschar en la lenna.

4. Ein ils surprendiders obligai da barschar cura ch’igl ei dau en 80 salmers, seigi lura ina, ni pliras gadas egl onn.

5. Ein ils surprendiders obligai da metter sufficienta cauziun alla vischnaunca.

6. Igl accord duei cuzzar sis onns ed aunc dus onns en remessa dalla vischnaunca.

NB. Davart las brels dueien las duas presentas enferradas ni tschercladas da fier pagar, e quellas dueien ils surprendiders mintgamai metter en bien guvern e cura che quellas fussen ventschidas, duei vegnir remess autras en campi dalla medema grondezia.

Per las sura obligaziuns empermetta la vischnaunca als surprendiders en recumpensa per baghegiar il fuorn niev 40 francs. Dapli en recumpensa per far la via, dat la vischnaunca 30 umens, seigi vid la via, ni da far il fuorn, vul dir buca grad dil temps da fenar e quei las otg sil plaz, in’ura vacanza da miezdi e las seras tochen las quater.
Dapli paga scadin 3 frs. il salmer.

Per confirmaziun dil sura, suttascrivan las parts
Tujetsch, ils 28 d’uost 1858


En num dalla vischnaunca, la cumissiun da quella, in per quella,
Giachen Antoni Schmet, gerau
Bartolomeo Gieronimi
Giachen Martin Giger

placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

0254.jpg