Vischnaunca surdat pastira a Gion Flurin Riedi a Plaun Miez
1855 Tujetsch Plaun Miez RiediIgl onn 1855, ils 27 da zercladur, ha la ludeivla vischnaunca da Tujetsch dau e surdau in ton pastira a Gion Flurin Riedi en Plaun Miez. Quella pastira ei in ton sur la seiv dador il baghetg en la pastira entochen ora dadem sco muossan ils tiarms, aschia era dadens il clavau ed il plaun sura la seiv en ed ei mesira en il plaun dadens e dadoren il clavau fests 480. Eis ei dau dadens la seiv enagiuviers sco muossan 3 - 4 tiarms entochen dadens il dutg: ultra da quei menziunau ei dau tut las Dischellettas. Tut quella detga pastira po Gion Flurin e siu vegnentsuenter guder a norma sco el pudeva guder il vivon gudiu prau confinont cun quel, ei aber ariguard la classena ch'el ha da guder presentamein duess, sco era il vivon ch'el veva giu Gion Flurin u tgi che gauda quei funs, pinar 10 onns in lenn per onn en igl Uaul dil Diratsch per clauder e nuota dapli en negins uauls dalla vischnaunca per clauder quei prau; cura che quels 10 onns ein vargai, ed igl uaul en siu grau fuss ruinaus da tala maniera che ni el niu siu vegnentsuenter, savessen buca mantener la classena cun siu uaul, sche en gliez cass cura ch'ei fuss vargau quels 10 onns dueigi la vischnaunca sin dumandar dils possessurs da quei lura conceder lenna a diever da gronds basegns. Quei ei aber bein da saver che Gion Flurin u siu vegnentsuenter possien pinar negina lenna en lur uaul, sut negins tetels en lur uaul, auter che per clauder e mo sche igl uaul lur vegness devastaus entras lavinas u autras disgrazias, sche vegni ei dau lenna.
Perencunter il sura dau paga Gion Flurin alla vischnaunca fr: 600, ditgel sistschien francs e croda igl emprem tscheins da s.Martin 1856, 5% ed aschia vinavon, ultra dils 600 frs. soblighescha Gion Flurin e siu vegnentsuenter da caluder e mantener ina sufficienta classena en tut quei toc dau dadens il present prau, quei ei bein entelgiu, ei duei vegnir claus naven sco ei terminau enagiu viers e sco ei terminau sco ils tiarms muossan entochen dadens il Dutg dalla Fontauna Cavrera, sco il davos tierm sur quei grep muossa. Quella seiv dueigi Gion Flurin sco siu vegnentsuenter, adina aschigleiti sco ei terrein e tiers van a bass ver fatg si e mantener en bien uorden da tut temps ch'ei resta tiers a Surrein, quella seiv dueigi esser en la medema categoria dils auters funs e ver negins dretgs auter che sco igl auter prau, il Plaun Miez.
Che quei vegni observau dueigi oravon igl obercheit sco era il particular ver igl egl sissu, ton enten il pinar la lenna sco il mantener la seiv e dueigien ils possessurs da quei funs muncar sche dueigein ei vegnir admoni ed obligai d'observar tenor scartira.
Per ils baghetgs sin quei funs dueigi cun dar lenna vegnir observau la medema norma sco auters baghetgs da vischnaunca, era dueigi quei funs restar per underfant alla vischnaunca entochen ch'igl ei tut pagau.

Per coraboraziun dil sura accord suttascrivan en num dalla vischnaunca
Thomas Joseph Schmed, gerau                              

Il cumprader
Gion Florin Riedi

(Gion Flurin Riedi, naschius 09-09-1802 (fegl da Gion Fidel e Barbara Catrina Berther), dunna Maria Margareta Decurtins 19-10-1806; Dumbraziun 1850 ils affons: Gion Crist 1830-1896, Gion Fidel 1837 e Giusep Flurin 1839-1906.)

Documents transcrets
Cun maschina
A maun


Remarca pertuccont quei document da pupi.
Ils onns 1960 ein biars da nos documents da pupi egl archiv communal vegni culai cun cola transparenta. Quei secapescha beinmanegiond e pil bien dalla caussa! Cheu ein las consequenzas da quei tractament bein veseivlas. La cola ei cul temps vegnida secca e curdada naven e schau anavos ina sdrema macorta! Quei che vegn fatg oz ha in di lu forsa semegliontas consequenzas, ni mendras!!


placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

img06.jpg