Stabiliments e reglas digl onn 1850

Anno 1850, igl atun, ha ina ludeivla vischnaunca da Tujetsch unanimamein priu si ils suandonts stabiliments.

En consideraziun che d’ina buna, exemplara ed en la ductrina cristiana bein instruida giuventetgna, dependi ei buca mo la ventira spirituala, sunder era ton per il general sco particulara famiglia la temporala ed economica ventira, sche ha in ludeivla vischnaunca ord quella finamira anflau per bien da far ils suandonts stabiliments u reglas:

1mo. Deigi negin giuven u buob puder ira ora denter la cumpignia da mats senza savida dil spiritual dil liug nua ch’el stat e senza che quel hagi ordavon declarau che quel tal, che vul ira ora denter ils mats, seigi sufficientamein instruius ella ductrina.

2do. Deigien tuttas radunonzas da filieras dalla sera u temps da notg d’ina casa en l’autra esser dismessas, ord raschun ch’ins anfla quei buca mo buca profiteivel per la lavur sezza, sunder era per ina schliata caschun tier differents mals. Eximiu da quei, deigien esser mo cass de necessitad ni cristiana carezia, sco da vigilar malsauns u paupradad aber senza negins excess.

3do. Il saltar, cunzun temps da notg deigi era esser dismess ton en casas da ustrias ne privatas, sco era tuts excess e tumults da notg.

Ils surpassaders da quels stabiliments u reglas deigien senza risguards vegnir tartgs en censura e sco surpassaders da regla da vischnaunca vegnir castigiai d’in ludeivel obercheit da quella.

NB. Aschia era protocollau en il protocol da vischnaunca da quei onn.

Il sura confirma

Joseph Antoni Durgiai, farrer

En num d’in ludeivel Forstand da vischnaunca
Hans Giachen Beer, gerau

 

placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

img03.jpg