CuviartaBrevs ord l'America
       Na, na, anora mass ju
       per de biè bétga plé!
Historia dall'emigraziun tuatschina
Tarcisi Hendry (cump. 2011)

Denter 1850 e 1930 han 300 persunas bandunau la Val Tujetsch ed anflau ina existenza els Stadis Uni dall'America. Pils biars ei l'emigraziun stada la suletta pusseivladad da mitschar dalla pupira economica. Per auters eis ei stau in'aventura che ha motivau d'ughegiar e riscar enzatgei auter. Als pli biars eis ei reussiu. La historia dall'emigraziun da Tujetsch ei era representativa per las ulteriuras vischnauncas dalla Cadi.
El center dil cudisch stattan las brevs dils emigrants e cun quei era las persunas che han scret ellas. Il cudisch descriva il destin da numerusas persunas singulas e da famiglias dalla Val Tujetsch.
El raquenta da farmers, da cava-aur e d'aventurists. Aschia dil Giachen Martin Hendry, dil Giachen Martin Muggli e da sia sora Josefina, dil Giachen Antoni Pally, dil Gion Fidel Muggli e da sia feglia Catrina Baer-Muggli, dils Derungs, dil Plazi Hendry, dallas soras Deplaz, dil Martin e dalla Margreta Werth e dils Monn's Tiuters ed aunc d'entgins auters.

Emigraziun Americana: Il cudisch

062cIn schatg ord ina brev:
Gion Fidel Muggli (1839 - 1916)
Ils 4 d'avrel 1872 parta la famiglia Muggli per l'America, il Gion Fidel, la
dunna Onna Maria, la feglia Maria Culastia, l'Anna Maria Catrina ed il Leci Antoni. Cun els semettan en tut 27 Tuatschins sin via sur mar. Da Sedrun ein els parti ils 5 d'avrel e gia arrivai ils 29 d'avrel a New York.
1878
Jeu sundel ius naven cun dunna e treis affons pigns. Sundel semess sin viadi cun aschi 1200.- frs. Da quels ha il bab stuiu dar 1000.- frs. A St. Henry vevel aunc 100.-. Per quels haiel cumprau ina vacca, aschia che vevel duvrau si tut. Sundel ius leu entuorn per gudignar, ton che haiel giu dad ir a Stillwater. Suenter in meins luvrar leu, haiel saviu schar vegnir suenter la famiglia. Haiel stuiu cumprar tut il tenercasa e lu aunc giu 50 dollars cu haiel calau da luvrar e quei ha tunschiu ora igl unviern. Il secund onn haiel saviu entscheiver a luvrar fetg baul e per la medema pagaglia. Sundel lu il settember vegnius malsauns, aschia ch'igl onn ei staus vargaus. Suenter ein las pagas adina idas anavos. Tier quei haiel giu mintg'onn in baret ni empau malsognas. Mo tier tut quei, haiel pudiu setrer vinavon e quei cun meglier uorden, spisa e vestgadira che quei che jeu vessel giu leu.

143

Ils dus emigrants da seneister Casper Derungs e Pepi (Giusep) Monn 

 

 

placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

img02.jpg