Cunfins denter las alps Pardatsch e Nalps  (PDF)

Tujetsch, ils 15 da fenadur 184806 1848 Nalps Tiarms

Ein las respectivas parts, numnadamein la ludeivla vischnaunca da Tujetsch cun ils pursanavels da Nalps da Magher s’entelgi e vegni perina. Oz sco sura di e datum d’ira sils tiarms e cunfins e renovar e metter novs sch’ei fa da basegns denter las alps da Pardatsch e da Nalps, ils quals ein stai mess 1793 ils 7 d’uost.

Anno 1793, ils 7 d’uost, ei la ludeivla vischnaunca da Tujetsch, cun ils pursanavels da Nalps da Magher vegni perina d’ira ed oz metter tiarms, sinaquei che detti neginas dispetas, ed aschia ha la ludeivla vischnaunca da Tujetsch per lur part pustau il signur gerau Hans Giachen de Curtins da quei temps statalter regent, Gion Batesta Giosi e Paul Curschellas; da l’autra part, da part dils pursanavels da Nalps ein deputai signur statalter Crest Antoni de Flurin da quei temps salter dil cumin e signur statalter Gion Batesta Durgiei e Gion Batesta Monn, cun ils dus cautegias, da quei medem onn, ils quals eran Crist Antoni Sialm e Clau Giuseph Huonder.
Ils sura numnai ein vegni perina d’ira en sin igl augenschein, nua ch’ei han anflau in pèr tiarms veders sut il tschaler da Segnias, dapli anflau in auter pèr tiarms veders sisum fil sulla Puzza. Ed aschia han ei priu e han filau suenter quella dua pèra la meglier ch’ei han saviu e han 04a 1793 Nalps Tiarmsaunc mess en trei pèra novs. Igl auter pèr novs mess in pèr novs els trutgs dalla Puzza sut ina platta, igl auter pèr novs oglien cheu en sut in grep. Il 3. per novs sut il Plaun Schlaus sura dadens l’aua sil crest, ed aschia en tut ein 5 pèra tiarms. En cass aber che enzatgi anflas tiarms [ ……] sufficients, sche deigien els repurtar, nunaflond aber auters, sche deigien ins ira suenter quella 5 pèra sco sura stat scret. Per cumissiun dalla sparts hai jeu Giachen Antoni Caviezel suttascret a mi ed als mess senza donn da quei gerau.
(Davostier ei nudau: Quest cedel parta tier l’alp da Nalps da Magher e l’alp dil Cuolm Cavorgia a Pardatsch)

Ed aschia eis ei stau en num dalla ludeivla vischnaunca da Tujetsch deputau tier quella renovaziun dils tiarms da cunfins, ils treis geraus en uffeci, signur statalter Paul Venzin, signur gerau Lucas Caveng, signur statalter Paul Schmidt, signur statalter Vigieli Giacumet da Sedrun e Seph Antoni Giosi da Surrein.
En num e per cumissiun dils pursanavels da Nalps ei stau signur mistral Joseph Sebastian Sialm e Tumaisch Cumanel.
Arrivai ensemen sin ils cunfins dallas sura alps tier il

1. Per tiarms ch’ein grad sut la via sper in grond crap rodund sut il tschaler da caschiel giu, ils quals ein dallas parts derschi sidretg ed approbai cun far si las cruschs sco era sil crap.

2. Per tiarms giudem Plaun Schlaus sin in crest visum ina val, quels ein medemamein derschi sidretg e scalprau si las cruschs – dallas parts approbai.

3. Tiarms vi dem Plaun Schlaus, dador il Rein ensi encunter la spunda, ei dallas parts vegniu mess in per tiarms novs cun scalprar si las cruschs, sco era sin in crap ei fatg si la crusch che stat 2 fests deprau sur – ils tiarms ein circa da maun su encunter Nalps.

4. Tiarms sil Pelis numnau, sut in grep ils quals ein medemamein dallas parts approbai cun scalprar si las cruschs, sco era sil grep.

5. Tiarms silla Puzza Pintga grad sut ils trutgs sut ina platta, ils quals ein era dallas parts approbai cun far si las cruschs, sco era silla platta che stat giutier ils tiarms.

6. Tiarms sil fil dallas alps, ils quals ein medemamein dallas parts vegni approbai e scalprau si las cruschs.

Ei ussa 6, sis pèra tiarms mess en fil e bien uorden cun lur claras enzennas d’ina crusch fatg sin mintga tierm, sco il local da mintgin per tiarms mess cheu claramein per scret, sinaquei ch’ei sappi buca vegnir dubis ni difficultads e dispetas da quellas varts ed aschia per confirmaziun dalla legala determinaziun suttascrivan las parts.

Per la ludeivla vischnaunca da Tujetsch
Lucas Caveng, da quei temps gerau

Cun mum e per cumissiun dils pusanavels da Nalps
Joh. Batt. Sialm
Tomasch Cumanel
E a scadina part consignau il present instrument.



placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

0347.jpg