Cudisch dils vischins da Rueras 1845 – 1901

1845 Tujetsch Vischins RuerasIl cudisch entscheiva cun ina gliesta dils vischins che han teniu buc naven digl onn 1845. Il cudisch da 17x30 cm cuntegn 214 paginas screttas; la davosa impurtaziun datescha digl onn 1977 entras Paulin Berther, Rueras

Gliesta da quels ch'han teniu ils s. v. bucs entirs ein sco suonda:
1845 Gion Fidel Maggulin
1846 Gion Fidel Berther, Giachen Martin Peder
1847 Giachen Antoni Giossi, Gion Antoni Monn
1848 Hans Giachen Berther, vegl
1849 Giachen Martin Beer e Martin
1850 Giachen Fidel Caduff
1851 signur scarvon Beer, Vigeli Matias Monn
1853 Gion Antoni Berther, Leci Muggli
1854 Giachen Fidel Caveng, Giachen Lurenz Berther
1855 Tomas Berther, Seph Antoni Geriet
1856 Giachen Maggulin, Hasper Berther
1857 Gion Antoni Palli, Duri Berther
1858 fravi Caduff, Gion Rest Monn
1859 Felizi Schmed
1860 Paul Wenzin, Hans Giachen Berther
1861 Seph Antoni Hetz, Giachen Antoni Giossi
1862 Tomas Berther, Vigeli Schmed
1863 Giachen Decurtins, Seph Antoni Deplaz, frars Hetz
1864 Toni Derungs, Tomas Huonder
1865 Gion Fidel Berther, Gion Florin Riedi
1866 soras Caduff, Stofel Riedi
1867 Gion Anton Monn, siu fegl, Fausta Wenzin
1868 fravi Caduff, giuven, Johan Deflorin
1869 Gion Antoni Caveing, Gion Antoni Schmet, Tomas de Flurin, da Cunel
1870 Giachen Monn, statalter Giachen Antoni Wenzin
1871 Hans Giachen, Caduff Duri Wenzin
1872 Soras Monn, Giachen Francestg Berther
1873 Lucas Caveing, soras Palli
1874 Gion Fidel Berther, giuven, Gion Antoni Beer
1875 Sep Lurenz Wenzin, Giusep Riedi
1876 Gion Rest Monn, Gion Battesta Peder
1877 Christian Muggli, Sep Antoni Giossi, muliner
1878 Sep Lurenz Wenzin, Gion Antoni Beer
...

pagina sco PDF 1845 - 1901
ni sco
Document, cudisch original


Entir cudisch da vischins
mira pagina: Vischinadi Rueras
ni igl entir cudisch: Protocols dil Vischinadi Rueras

Rueras Foto Deplaz

Foto dils anno 1890 da Gion Giusep Deplaz, emigrant dalla Baviera

 

In sguard historic sin Rueras
El decuors dalla colonisaziun dalla val ein vitgs ed uclauns carschi, sco emprem el vonn dalla val, e lu sin las spundas preferidas. Tgunschamein ein Sedrun e Rueras stai dils emprems, suandai da Camischolas e Zarcuns. La val s’udeva alla claustra da Mustér e perquei ha era la tgira e cultivaziun dalla religiun giu sia preferenza e prioritad. Sto esser che la val veva gia el 12avel tschentaner numerus habitadis ed ina tschecca populaziun. Per buca preferir in dils loghens gronds han ins eregiu ina baselgia dalla val – ina per tuts – la parochiala cul patrun S.Vigeli agl ur dil vitg da Sedrun. Successivamein han, matai muort lur grondezia, era ils vitgs retschiert baselgias ni capluttas. Igl onn 1368 ei documentau ina caplutta a Flurin Sura. Dapli dad ella raquenta la historia dalla val nuot. Ella ei svanida e quei tgunschamein entras la destrucziun entras ina bova ni lavina. Rueras retscheiva sia emprema caplutta igl onn 1491. Sin in agen caplon spetgan els entochen igl onn 1643. Igl ir dumengia per dumengia e firaus a Sedrun ella parochiala cuoza entochen viaden el 20avel tschentaner. Cun igl onn 1971 daventa Rueras pli autonom cun il plevon rectur. Il temps e svilup sforza al retuorn d’ina pleiv cun in sulet plevon per Tujetsch e quei igl onn 1993.

La val fuva en possess territorial dalla claustra e quella drova in administratur per la vasta vallada. En emprema lingia va ei per la survigilonza dils passadis atras la val – sul Cuolm d’Ursera e sur Tiarms e tras la Val Strem sul Krüzli/Pass La Crusch. Avon l’avertura dalla Val Scalina fuva quel fetg bein frequentaus enviers nord e sid. Las sendas da sauma ston vegnir mantenidas. Sco liug adattau per far la survigilonza vegn construiu a Putnengia in casti. La famiglia de Putnengia surpren igl uffeci d’administratura. Igl onn 1252 vegn quella schlatta menziunada l’emprema gada ed il casti cumpara per l’emprema gada en in document da 1300. Secapescha ch’ils subdits ein era obligai alla dieschma. Ils Tuatschins han buca giu da far cun castellans e rampuns neu dil casti – scadin cass relata la historia nuotzun da tals eveniments. Ils temps semidan ed ils cumins neschan – la democrazia sesviluppescha era en nossa regiun. Gl’emprem mistral dalla Cadi ei documentaus igl onn 1368 en in document tuatschin. Il casti piarda sia funcziun e la natira surpren la lavur da destrucziun sustenida entras il carstgaun. Grazia alla iniziativa dil Forum cultural Tujetsch ei la ruina renaschida el decuors dils davos onns.
Duas annadas ein tagliadas marcantamein ella historia da Rueras, dus orsals ella histora dil vitg e quei ein ils onns 1749 e 1817. Omisdus
onns destrueschan las lavinas dalla Pulanera e Val Mila ina part dil vitg e caschunan la mort a 64 persunas e 1817 a 28 persunas. Suenter l’emprema disgrazia vegn il vitg, che fuva per gronda part construius sin las rivas dil Rein dalla Val Mila ed el vest dalla baselgia, eregius egl ost da quella.
La via veglia tras la val passava atras tuts ils vitgs, quei documentescha in plan cantunal digl onn 1837. Ei fuva ina via da sauma e per menadiras che seteneva alla lingia naschida duront tschentaners. L’emprema via carrabla, eregida da 1861 – 1864 tras la val e sul pass, meina spel vitg ora. Ils vischins ein sedustai e buca stai fetg incantai da quei; ins veseva schizun la via da bass en ‐ gest sut il vitg. Grazia alla via surora ‐ ei in ton dil caracter vegl dil vitg semantenius tochen oz. Culla viafier succeda il medem. Al giavisch da sbassar la staziun encunter il vitg, vegn buca dau suatientscha.
Il caracter puril semantegn per gronda part tochen ils onns 1980. Lu, e quei grazia al svilup ella val ed en special il turissem d’unviern e stad, ei era Rueras suttaposts al svilup general. Il vitg crescha cun l’erecziun da numerusas casas e novs edifecis.
Culla caplania ha la scola entschiet el vischinadi. Quella obligaziun s’udeva avon al plevon dalla val ni ad in da ses gidonters, numnai primissaris. Casa caplania ni casas privatas ein stadas ils loghens d’instrucziun. Scriver, leger e zatgei quen, sper l’instrucziun religiusa, vevan la preferenza. L’èra dils caplons ha calau cun la mesadad dil 19avel tschentaner. Igl onn 1863 retscheiva Rueras l’emprema scola, 1918 vegn quei baghetg engrondius e survescha entochen 1959. La scola nova siara sias portas muort la decimaziun massiva d’affons da scola e fusiunescha cun Sedrun igl onn 2008.


placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

0326.jpg