Tujetsch, ils 23 da matg 1844

Eis ei denter ils suttascrets daventau il sequent accord ed entelgientscha, numnadamein Giusep Antoni de Curtins ei s’obligaus d’entrar en la „Landsmilisa“ e ventscher ora il survetsch a quella per il Gion Battesta Peder, dapresent absents da sia patria, e zuar s’obligesch’il sura de Curtins d’oz naven surprender sin sesez tuttas responsabilitads appartenent tier il survetsch dalla „Landsmilisa“ per il numnau Peder entochen che quel ha surviu ora ses onns a quella.

Il suttascret ei s’obligaus, sco ugau dil detg Peder da pagar 25 fl., scrivel vegntgatschun renschs e zuar 5 fl. suenter ch’el tuorna anavos dalla mustra proxima che vegn tenida a Cuera ed il rest a proporziun sco ei tucca per onn, entschavend la fin da 1845 a pagar 5 fl. e la fin da 1846 5 fl. e la fin da 1847 5 fl. e la fin da 1848 5 fl. da maniera che fa ensemen igl importo da 25 fl.

Il de Curtins ei sco sura detg, s’obligaus da procurar sin siu quen tut quei il qual in ch’ei el survetsch da „Landsmilisa“ ei obligaus d’haver e procurar, sco era tuts attestats e requisits ch’in substitut ei obligaus d’haver per entrar el sura survetsch sco substitut sin siu quen, e per feda dil sura cuntegn, suttascriva scadin cun siu num e schlatteina cun agen maun

Johann Jacob Gieriet, sco ugau dils affons da Giusep Maria Peder per miert

Giuseppe Antoni de Curtins

PS. Sin garegiar dil sura Sep Antoni de Curtins ei il medem di vegniu dau daners a Cun dis 5 fl, emprem curdai 1fl. 80 x e per feda da quei suttascriva il creditur sez
Giosep Antoni de Curtins

placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

img06.jpg