Brev da marcau

Tujetsch, ils 22 da settember 1824
Entras la presenta scartira, la quala duei survir per in autentic e public instrument, eis ei daventau in gest, recli e sidretg marcau denter las stimadas parts; numnadamein Giachen Modest de Ragisch e Gion Antoni Beer, sco cheu suonda.

1mo. S'oblighescha il sura meister Giachen Modest de Ragisch da baghegiar si la casa da Gion Antoni Beer e zuar tenor il „Riss“ ad el mussau e declarau, il qual consista enten duas stivas, in stebli ed otg combras, duas cuschinas, „Rigelspans“ ed il s.v. „Abtrit“. La casa aber cun siu „Vorphutz“, sco ella ei stada vidavon.

2do. Ultra s'oblighescha meister de Ragisch da far en tuts plantschius dils sura menziunai cumahs e zuar quels dallas stivas e stebli cun curregias. Tutta roma da finiastras, quei ei roma ordinaria. Tutta escha ed eschadira da tschalers sco era ils finistrels dils tschalers. L’escha dallas stivas e stebli cun quadrels, ils dus eschs casa aber dubels. Tablegiar entuorn las finiastras dallas stivas e stebli. Las scalas, quellas che vegnan duvradas. Tut ils barcuns. Dasperas eis ei aunc remess al sura meister da far ina laupia, da schar aber creschar ora ils lenns da tschentar si quella, eis el secuntentaus il di dil marcau. Era possi il sulom dalla casa ensi vegnir carschentaus, tenor basegns e proporziunar ils cumahs en lur dueivla grondezia. Igl auter ei il meister obligaus tenor gl'usit da far canals tetg.

Plinavon dullar la lenna quest atun sco da baghegiar si quella 1824 Tujetsch Baghegiar Casa Camischolassuenter quella dalla Librata e avon che quella da statalter Joseph Venzin. E sch'igl ei ad el pusseivel da pinar ora ella da star en sin Nadal anno 1826. Sil pli tard primavera 1828.

Per la sura aber menziunada lavur s'oblighescha Gion Antoni Beer da dar 462 fl. 30 x, giud il qual Giachen Modest ei seobligaus da prender sin Vigeli Monn da tscheins 250 fl. cun la cundiziun ch'il capital sin d'atun seigi ses, suenter che Gion Antoni Beer u per malsogna, u per aura ni per munconza da neiv, buca esser el cass da vegnir tier culla lenna, sche possi Giachen Modest de Ragisch trer ils tscheins dil sura menziunau capital mo sulet tenor sco sia lavur purtass. Quei onn aber ch'el baghegia trer gl'entir tscheins. - Ils auters 212 fl. 30 x s'oblighescha Gion Antoni Beer da pagar 86 fl. sin d'atun proxim 63 sin primavera e 63 fl. 30 x sin d'atun 1826, mai aber avon l'ultima rata, che la lavur ei totalmein ventschida. Pli da dar als meisters las solitas marendas il sal ed in letg duront che sia lavur vegn fatga.

Che sura entelgientsch seigi aschia stada denter domisduas parts, sco ch'ei seigi cumpleina cuntentientscha ed avon els legiu giu, sche suttascrivan las duas parts sezzas, han aber supplicau mei en lur.
Di ed onn sco sura e num
In fede Jos. Camen

Gl'onn 1825 retschiert 4 scheltadublas
Item retschiert duas 2 scheltadublas
Fatg in letg a Gion Antoni ed in „harbett“ tier in auter letg sin combra per 7 R., ditgel rensch 7.
Fatg 7 roms da finiastras e marendau otg bazs in ton che portan tut 3 fl 58 x.
Dapli retschiert 13 fl. 20 x.
Ils 2 da november fatg quen e Gion Antoni Beer resta aunc al sura meister 93 fl 36 x quintau en 58 fl. dalla venerabla claustra da Mustér.
1827 retschiert 10 fl.
Anno 1828 d'haver per haver pertgirau in onn las vaccas da casa 2 fl 24 x.


placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

0341.jpg