Anno 1810, ils 26 d’uost en Tujetsch

Ei notori e da saver entras la presenta brev, che sin il sura datum, ei cumparius sin publica vischnaunca, il Wagiellj Joseph Wallier e fatg instanza per ils dretgs da vischin da quella, nua che suenter esser fatg il pli u meins ei quel „ein helligameing“ vegnius acceptaus per vischin da nossa vischnaunca cun las sequentas cundiziuns.

1. Duei quel esser obligaus da pagar alla vischnaunca la summa da 200 R., dico risculdis duatschien, per la quala summa el duei esser obligaus da segirar cun in sufficient „Underfand“ e tscheinsir annualmein suenter il solit dalla tiara 5 procento, entochen che quei capital seigi buca pagaus giu, ed igl emprem tscheins croda sin s. Martin dil current onn 1810.

2. Duei quel esser obligaus da purtar tuttas grevezias adual in auter vischin da vischnaunca, ei seigi cun lavurs cuminas, taglias etc.

3. Duei quel era puder guder tuts emoluments cumins da nossa vischnaunca adual in auter vischin da vischnaunca, senza stuer purtar intgina particulara grevezia.

Quels dretgs ein surdai ed accondai ton per il „Instand“, sco per tut il siu vegnir suenter e per confirmaziun da quei ein suttascrettas domisduas parts e coroborau cun il sigil nossa vischnaunca

En num dalla vischnaunca ils geraus da quella
Christian Joseph Wenzin p.t. gerau
Giachen Antoni Caviezel
a formel sco sura

 

Jeu Vageli Valier
…….. si sura

1810 Tujetsch Valier

Il sura document ei sigilaus cul vegl sigil da vischnaunca che mussava Sogn Vigeli, nies patrun dalla baselgia parochiala, baselgia dalla val (smaccar per engrondir).


 

placi-speschaPader Placi a Spescha - igl emprem historiograf dalla val. El ha descret detagliadamein la Val Tujetsch digl onn 1805. Spescha - Pader Baseli
Pader Baseli Berther ha cuntinuau. Sia lavur historica.   Ovras I + Ovras II

UoppenHendry La historia e genealogia dalla schlatteina Hendry da Tujetsch. Il cudisch!

Contact

Tarcisi Hendry
Via Dentervitgs 3
7188 Sedrun
Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

     WappenTujetsch
  Vischnaunca Tujetsch

     pleiv
        Pleiv Tujetsch

img06.jpg